https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Затрымалі падазраваных у забойстве фігурыста-чэмпіёна Дзяніса Тэна


Пракурор паўднёвай сталіцы Казахстану, Алма-Аты, Берык Жуйрыктаеў раніцай 20 ліпеня абвясьціў, што паводле падазрэньня ў забойстве казахстанскага фігурыста Дзяніса Тэна быў затрыманы Нуралы Кіясаў 1994 года нараджэньня.
«У прысутнасьці адваката падазраваным дадзены прызнаўчыя паказаньні. Ён зьмешчаны ў ізалятар часовага ўтрыманьня», — заявіў пракурор.

Увечары ў пятніцу паліцыя аб’явіла, што затрыманы другі падазраваны, які мае дачыненьне да забойства Дзяніса Тэна: 23-х гадовы Арман Кудайбергенаў.

Паводле пракурора, асобы падазраваных былі ўсталяваныя пасьля «праверкі паказаньняў відавочцаў і вывучэньня запісаў з камэр вонкавага відэаназіраньня на месцы здарэньня і прылеглай тэрыторыі».

Казахстанскі фігурыст Дзяніс Тэн у чацьвер атрымаў сур’ёзнае раненьне нажом у бойцы ў Алма-Аце і памёр у шпіталі. На фігурыста напалі людзі, якія, паводле вэрсіі паліцыі, спрабавалі зьняць люстэркі зь яго аўтамабіля:

«Тэнам Дзянісам Юрʼевічам былі засьпетыя двое неўстаноўленых асоб пры спробе крадзяжу люстэркаў зь яго аўтамашыны. У выніку ўзьнікла бойка, грамадзяніну Тэну Д.Ю. было нанесена нажавое раненьне», — паведамілі ў паліцыі Алма-Аты.

Спартоўца адправілі ў Цэнтральны клінічны шпіталь, Міністэрства аховы здароўя Казахстану паведаміла, што спартовец страціў «каля трох літраў крыві».

«Гэта велізарная трагедыя, яна не паддаецца асэнсаваньню, не ўкладаецца ў галаве, мы ўсе молімся за выздараўленьне Дзяніса, за тое, каб ён застаўся жывы», — заявіў адразу пасьля нападу міністар культуры і спорту Казахстану Арыстанбек Мухамэдыўлы.



25-гадовы Дзяніс Тэн быў бронзавым прызёрам Чэмпіянату сьвету-2013, прызёрам Алімпіяды ў Сочы і чэмпіёнам VII Зімовых Азіяцкіх гульняў. Таксама ён пяціразовы чэмпіён Казахстану ў мужчынскім адзіночным катаньні.

У траўні 2014 году Тэн з чырвоным дыплёмам скончыў Казахскую акадэмію спорту і турызму. Цяпер атрымліваў ступень MBA у бізнэс-школе пры Казахстанска-Брытанскім тэхнічным унівэрсытэце па праграме «Нафта і газ».

Радыё Свабода, 20 ліпеня 2018
 
Дата публикации:20.07.2018
Тематика:Новости, Казахстан
Просмотров:1069
 
Ключевые слова:
Денис Тен Криминал Алматы
 
 


Комментарии



 



Другие новости по этой теме