https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


У Беларусі не баяцца рэалізацыі "ўкраінскага сцэнара"


Пра гэта міністр замежных спраў Беларусі Уладзімір Макей заявіў у інтэрв`ю тэлеканалу Euronews.
"Украінскія ўлады нарабілі шмат памылак у мінулым, у выніку якіх там склалася такая сітуацыя. Мы не баімся рэалізацыі "ўкраінскага сцэнара" ў Беларусі. Мы некалькі адрозніваемся ад украінцаў і ніколі не дапусцім той сітуацыі, якая мела месца ва Украіне", — сказаў Макей.

На просьбу Euronews удакладніць, што ён мае на ўвазе, кажучы, што ніколі не будзе дапушчана такой сітуацыі, Макей сказаў: "У нас добрыя адносіны з Расіяй. Калі ўзнікаюць якія-небудзь праблемы, мы адкрыта абмяркоўваем іх з расійскімі партнёрамі. Спрабуем знайсці палітычныя, а не ваенныя рашэнні гэтых праблем. Не думаю, што Расія хацела б арганізаваць у Беларусі нешта падобнае да "ўкраінскага сцэнара", што яны захочуць так паступіць. Гэта не ў іх інтарэсах. Мне ўяўляецца абсурдным нават абмеркаванне гэтых гіпатэтычных рэчаў".

Пры гэтым ён адзначыў, што "часам у нас узнікаюць пэўныя праблемы ў эканамічным супрацоўніцтве з расійскімі партнёрамі", але "часцяком гэтыя праблемы з`яўляюцца штучнымі".
"Мы хацелі б пазбавіцца ад залежнасці ад адной краіны. У нас ёсць імкненне дыверсіфікаваць адносіны, у тым ліку за кошт развіцця сувязяў з Еўрапейскім саюзам і астатнім светам. Гэта асабліва важна ў крытычных сітуацыях, напрыклад падчас сусветнага фінансавага крызісу", — дадаў кіраўнік беларускага МЗС.

"Для дзяржавы важна мець так званую "падушку бяспекі". Гэта азначае — падтрымліваць збалансаваныя адносіны з рознымі дзяржавамі, якія дазваляюць пазбегнуць залежнасці ад адной краіны. Мы працуем над гэтым. Няхай павольна, але рухаемся да дасягнення гэтай мэты", — адзначыў Макей.

"Вядома, мы ўсё яшчэ залежым ад Расіі. Амаль 48% нашага гандлю прыпадае на Расію, 26% — на ЕС, 26% — на астатні свет. Але ў мінулым гэта былі зусім іншыя лічбы. Сёння сітуацыя мяняецца. Мы паляпшаем гэтыя паказчыкі і усё бліжэй да мэты дыверсіфікацыі эканомікі. Але і надалей будзем працаваць над стварэннем добрых, нармальных эканамічных адносін з еўрапейскімі і іншымі краінамі свету", — падсумаваў кіраўнік МЗС.

Тэкст інтэрв`ю размешчаны на сайце беларускага знешнепалітычнага ведамства.

Аляксей Арэшка, БелаПАН
Мінск, 7 красавіка 2018
 
Дата публикации:07.04.2018
Тематика:Бизнес, Экономика
Просмотров:613
 
Ключевые слова:
Товарооборот Экспорт Товары из Беларуси Украина Безопасность
 
 


Комментарии



 



Другие новости по этой теме