https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Беларусь прапануе разгледзець увядзенне адказнасці краін за парушэнні абавязацельстваў у ЕАЭС


Аб гэтым паведаміў першы намеснік міністра эканомікі Беларусі Дзмітрый Крутой 15 жніўня на канферэнцыі "Еўразійскі эканамічны саюз: стратэгія далейшага развіцця".
Беларусь прапануе разгледзець пытанне аб увядзенні рэальнай адказнасці краін за парушэнні абавязацельстваў у рамках Еўразійскага эканамічнага саюза.

"Трэба аператыўна і адэкватна рэагаваць на праблемы, якія былі выяўлены за час функцыянавання саюза, і пераглядаць нашу нарматыўную прававую базу, у тым ліку ў рамках будучай сур`ёзнай карэкціроўкі базавага дагавора з тым, каб за парушэнні абавязацельстваў у рамках ЕАЭС дзяржавы-члены неслі ўжо рэальную, можа, нават матэрыяльную адказнасць, як гэта прадугледжана ў нашых заходніх суседзяў, у тым жа Еўрасаюзе, дзе канкрэтныя краіны караюцца канкрэтным еўра", - адзначыў Дзмітрый Крутой.

Беларусь гатова разглядаць і абмяркоўваць прапанову па ўмацаванні паўнамоцтваў наднацыянальных органаў, у першую чаргу Еўразійскай эканамічнай камісіі, каб у яе былі рэальныя механізмы для забеспячэння выканання дзяржавамі-членамі абавязацельстваў у ЕАЭС. Работу ў гэтым напрамку Беларусь гатова весці і ў час свайго старшынства ў органах ЕАЭС у 2020 годзе.

Праграма старшынства ўжо фарміруецца, беларускі бок мае намер максімальна ўлічыць у ёй усе праблемы саюза, якія патрабуюць вырашэння.

Сёння можна канстатаваць розную ступень дасягнення заяўленых мэт саюза. Пры гэтым на ўнутраных таварных рынках прадаўжаюць прымяняцца нетарыфныя абмежаванні, якія часта тлумачацца як ветэрынарныя, санітарныя, фітасанітарныя меры.

Абмежаванні пры правядзенні дзяржзакупак, якія пазіцыянаваліся як выключныя і часовыя (максімум на два гады), сталі пастаяннымі. На рынках паслуг з агульнага рэгулявання пакуль выпалі ключавыя віды: перадача электраэнергіі, міжнародныя аўтамабільныя перавозкі.

Адзіная прастора тэхнічнага рэгулявання функцыянуе пакуль не ў поўнай меры, па шэрагу ключавых тавараў прызнаюцца выключна нацыянальныя дакументы аб ацэнцы адпаведнасці, не ўніфікаваны стандарты і методыкі змяненняў, няма трансгранічнага механізма прыцягнення да адказнасці за пастаўку тавараў з фіктыўнымі сертыфікатамі.

Беларусь як краіна з экспартна арыентаванай і адкрытай эканомікай зацікаўлена ў свабодным руху тавараў і паслуг у рамках саюза і ўсямерным развіцці яго знешнегандлёвай дзейнасці.

Паводле ацэнак экспертаў, устараненне толькі нетарыфных бар`ераў павялічыла б унутраны тавараабарот у ЕАЭС прыкладна на 23 працэнты.

Пры гэтым пастаўкі Беларусі ў Казахстан выраслі б на 70 працэнтаў.

У цэлым ВУП Беларусі павялічыўся б амаль на 3 працэнты.

Паводле слоў Дзмітрыя Крутога, на ўзроўні еўразійскай інтэграцыі сёння варта было б акцэнтаваць увагу на вырашэнні актуальных праблем гандлю на ўнутраных рынках, стварэнні адзінай прамысловай і аграрнай палітыкі, роўных або хаця б блізкіх умоў у энергетыцы, навядзенні парадку ў дзяржзакупках, стандартах і тэхрэгламентах.

Пытанні кошту роўмінгу, зніжэння цэн на авіяперавозкі і чыгуначныя паездкі паміж сталіцамі краін ЕАЭС, статус спартсменаў-легіянераў, візавыя пытанні таксама павінны быць у абмяркоўваемым парадку дня.

15 жніўня 2018, Мінск
БЕЛТА
 
Дата публикации:15.08.2018
Тематика:ЕАЭС, Экономика
Просмотров:682
 
Ключевые слова:
Техрегламент Интеграция
 
 


Комментарии



 



Другие новости по этой теме