Курс валютпокупкапродажа
USD378.23380.05
EUR429.59432.33
RUR5.685.74
www.kurs.kz
 


 



Найти
 
 


У Беларусі экспарт мэблі ў тры разы перавышае імпарт


Аб гэтвм паведаміў намеснік старшыні канцэрна "Беллеспаперапрам" Міхаіл Касько 12 снежня на дзелавым форуме шведскага канцэрна IKEA ў кітайска-беларускім індустрыяльным парку "Вялікі камень".
Як паведаміла прэс-служба канцэрна, Касько адзначыў, што ў беларускіх вытворцаў ужо ёсць добры досвед супрацоўніцтва з IKEA. Пад замову гэтай кампаніі айчынныя мэблевыя прадпрыемствы вырабляюць шырокі асартымент прадукцыі, якая рэалізуецца ў сетцы магазінаў IKEA. "Характэрна, што замоў становіцца ўсё больш", — заўважыў намеснік старшыні "Беллеспаперапрама".

Паводле яго слоў, мэблевы бізнес у Беларусі дынамічна развіваецца. Гэтаму шмат садзейнічала мадэрнізацыя дрэваапрацоўчых заводаў, якія на новым высокатэхналагічным абсталяванні пачалі выпускаць неабходны асартымент прадукцыі для мэблевай вытворчасці: драўняна-стружкавыя пліты, пліты МДФ, фанеру і іншыя матэрыялы.

Колькасць вытворцаў мэблі ў краіне за апошнія тры гады павялічылася больш як удвая — з 600 да 1.294. Актыўна ствараюцца новыя беларускія і замежныя прадпрыемствы, пашыраюць і мадэрнізуюць вытворчасць дзейсныя.

Згодна з прагнозамі, у 2018 годзе аб`ём вытворчасці мэблі ў Беларусі складзе прыкладна 612 млн долараў ЗША — на 60,6% больш, чым пяць гадоў таму.

Сёння больш за 80% вырабленай у Беларусі мэблі экспартуецца. У 2013 годзе за мяжу пастаўлялася толькі 50% вырабленай мэблі. Асноўныя рынкі збыту — Расія (50%), Польшча (10%) і Казахстан (7,8%). Планамерна павялічваюцца адгрузкі мэблі ў краіны Еўрапейскага саюза.

У структуры экспарту прадукцыі лясной і дрэваапрацоўчай прамысловасці мэбля складае больш за 30%. За студзень—кастрычнік 2018 года на знешнія рынкі з Беларусі пастаўлена мэблі на 428,2 млн долараў, што на 20% больш, чым за аналагічны перыяд мінулага года, паведамляе прэс-служба канцэрна.

Марына Носава, БелаПАН
Мінск, 13 снежня 2018
 
Дата публикации:13.12.2018
Тематика:Товары из Беларуси, Экономика
Просмотров:76
 
Ключевые слова:
Мебель "Беллесбумпром"
 
 


Комментарии



 



Другие новости по этой теме