https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


"Мілкавіта" за паўгода павялічыла экспарт прадукцыі на 17 працэнтаў


Такую лічбу назваў 21-га ліпеня генеральны дырэктар прадпрыемства Сяргей Мацукоў на сустрэчы з дэлегацыяй Башкортастана на чале з першым намеснікам міністра знешнеэканамічных сувязей і кангрэснай дзейнасці рэспублікі Ленай Ізотавай.
ААТ "Мілкавіта" ў студзені - чэрвені гэтага года павялічыла экспарт на 17 працэнтаў да аналагічнага перыяду мінулага года. 

Паводле слоў гендырэктара, удзельная вага паставак прадукцыі прадпрыемства на знешнія рынкі ў мінулым годзе склала 63 працэнты. "У гэтым годзе за паўгода мы атрымалі экспарту $35 млн - 17 працэнтаў да аналагічнага перыяду мінулага года", - канстатаваў Сяргей Мацукоў. Тэмп росту паставак у Расію дасягнуў 160 працэнтаў. У цэлым на РФ у структуры замежных адгрузак прадпрыемства прыпадае 71 працэнт.

Лена Ізотава адзначыла, што ў Башкортастане на прылаўках шмат беларускага сыру, які хваляць спажыўцы. Яна лічыць, што знойдуць свайго пакупніка і гомельскія вяршкі, масла.

"Трэба развіваць рэгіянальныя сувязі. Рэгіянальная палітыка - прыярытэт", - падкрэсліў Сяргей Мацукоў.

Кіраўнік "Мілкавіты" расказаў, што прадпрыемства атрымлівае на перапрацоўку да 600 т сыравіны ў суткі. У сыравіннай зоне - 160 ферм 41 гаспадаркі рэгіёна. Магутнасці прадпрыемства даюць магчымасць кожныя суткі перапрацоўваць да 1 тыс. т.

"Можам вырабляць да 600 т натуральнамалочнай прадукцыі, да 30 т сметанковага масла, да 12 т сыру, 25 т сухога малака і 25 т сухой сыроваткі", - пералічыў кіраўнік.

Асартымент кампаніі ўключае амаль 150 найменняў. У аснове прадукцыі - натуральная сыравіна, звярнуў увагу Сяргей Мацукоў. Дзякуючы праведзенай мадэрнізацыі на вытворчых участках укаранёны сучасныя тэхналогіі перапрацоўкі. "Аднак мадэрнізацыя - працэс бесперапынны. Наперадзе новыя праекты", - сказаў гендырэктар. Напрыклад, у планах - мадэрнізацыя цэха сухога малака.

На сустрэчы ішла размова таксама аб пытаннях лагістыкі паставак, імпартазамяшчэння, іншых тэмах. "Мы можам прапанаваць належнай якасці прадукцыю па добрай цане. Будзем рады партнёрству", - рэзюмаваў Сяргей Мацукоў.

21 ліпеня 2022, Гомель
БЕЛТА
 
Дата публикации:21.07.2022
Тематика:Товары из Беларуси, Экономика
Просмотров:935
 
Ключевые слова:
Милкавита Гомель Купляйце беларускае
 
 


Комментарии



 



Другие новости по этой теме