https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Галоўнай падзеяй 2017-га года ў Беларусі Аляксандр Лукашэнка лічыць пераадоленне негатыўных тэндэнцый у эканоміцы


Пра гэта Прэзідэнт заявіў 7-га студзеня пры наведванні сталічнага Свята-Духава кафедральнага сабора.
"Мы пражылі вельмі складаны год. Я не буду ўдавацца ў падрабязнасці, ужо шмат казаў і ў канцы года, і ў сваім навагоднім звароце. Але галоўная ўсеагульная падзея гэтага года — што нам, як мы і марылі год таму (я ў тым ліку, стоячы тут, казаў пра гэта), удалося пераадолець негатыўныя тэндэнцыі ў нашай эканоміцы, і гэта неадкладна паўплывала на ўсё наша грамадства", — цытуе Лукашэнку прэс-служба кіраўніка дзяржавы.

"Жыццё ў нас не выдатнае, я гэта разумею, яно выноснае. Сёлета мы павінны зрабіць крок наперад, падняцца на прыступку вышэйшую, каб гэтае жыццё было не проста выносным, а нармальным. Асаблівасць сёлетняга моманту ў тым, што ў нас усё для гэтага ёсць. І мы абавязкова павінны разам з вамі зрабіць гэты крок, на гэтую прыступачку падняцца. І тады ў нас праз год будзе пра што гаварыць, і ў нас зусім іншы будзе настрой", — сказаў ён.

Афіцыйны лідар запэўніў, што будзе імкнуцца зрабіць усё, каб "на беларускай зямлі людзі жылі добра і каб госці краіны адчувалі, што беларусы — дужыя людзі, якія жывуць нядрэнна і гатовыя любога госця з удзячнасцю прымаць", паведамляе прэс-служба.

"Мы жывем надзеямі на будучыню, і я ўпэўнены, што гэтыя надзеі сёлета спраўдзяцца", — рэзюмаваў Лукашэнка.

БелаПАН
Мінск, 7 студзеня 2018
 
Дата публикации:07.01.2018
Тематика:Культура, Экономика
Просмотров:695
 
Ключевые слова:
Индекс жизни
 
 


Комментарии



 



Другие новости по этой теме