"Курс рыначны. Нейкіх тэндэнцый, якія б негатыўна ўздзейнічалі на плацежны баланс краіны, няма. Мы не чакаем нейкіх шокаў да канца года, якія б аказалі ўплыў на дынаміку абменнага курса беларускага рубля", - адзначыў Павел Калаур.

Ён падкрэсліў, што сцэнарны падыход да прагназавання дае магчымасць улічваць магчымыя рызыкі і ўзрушэнні. "Калі мы прагназуем тыя ці іншыя працэсы да канца года, мы ўлічваем і перагаворны працэс па газе, які ў нас з Расіяй, і перагаворны працэс з міжнароднымі арганізацыямі. Таму тое, што мы разам з урадам ацэньвалі да канца года і прагназавалі на наступны год, - ужо з улікам рызык, якія могуць матэрыялізавацца", - растлумачыў ён.

XIII Міжнародны форум па банкаўскіх інфармацыйных тэхналогіях "БанкІТ`2016" праходзіць у Мінску 19-21 кастрычніка.

Мерапрыемства штогод збірае больш як 1,3 тыс. кіраўнікоў і экспертаў банкаўскай і ІТ-сфер, органаў дзяржаўнага кіравання, кансалтынгу.

На працягу трох дзён эксперты абмяркуюць актуальныя пытанні развіцця банкаўскіх інфармацыйных тэхналогій, лічбавага банкінгу, інфармацыйнай бяспекі. У рамках фарсайт-сесіі форуму стаіць задача спланаваць будучае плацежнага рынку Беларусі.

Удзельнікаў чакаюць выступленні больш як 100 спікераў з 9 краін.

19 кастрычніка 2016, Мінск
Юлія Огнева - БЕЛТА