Як паведамляе інфармацыйнае агенцтва Reuters, свой першы груз вэнэсуэльскай нафты Беларусь атрымае пры канцы красавіка або на пачатку траўня.
Паводле крыніцаў агенцтва, 2 красавіка з Вэнэсуэлы ў адэскі порт ва Ўкраіне накіравалася судна з 80 тысячамі тон нафтавай сыравіны. З Адэсы паліва будзе дастаўлена чыгункай на Мазырскі нафтаперапрацоўчы завод.
Паводле экспэртаў, шлях дастаўкі нафты ў Адэсу зойме прыкладна 20-30 дзён.
Раней вэнэсуэльскі лідэр Уга Чавес паабяцаў, што ягоная краіна ўжо ў траўні будзе штодня пастаўляць у Беларусь 80 000 барэляў нафты.
Радыё Свабода 
