https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Больш за 80 кантрактаў на $193,3 млн падпісана на беларуска-ўзбекскім дзелавым форуме


Такая інфармацыя размешчана на сайце Міністэрства знешняга гандлю Узбекістана.
Удзельнікі Узбекска-Беларускага форуму дзелавога і міжрэгіянальнага супрацоўніцтва падпісалі 82 экспартна-імпартныя кантракты на агульную суму $193,3 млн, а таксама дасягнулі дамоўленасцей аб рэалізацыі інвестыцыйных праектаў на агульную суму $38 млн.

У форуме і кааперацыйнай біржы прынялі ўдзел каля 500 прадстаўнікоў дзелавых колаў Узбекістана і Беларусі, а таксама прадстаўнікі міністэрстваў і ведамстваў дзвюх краін. Мерапрыемствы прайшлі 12 верасня ў Ташкенце ў рамках афіцыйнага візіту ва Узбекістан Прэзідэнта Беларусі Аляксандра Лукашэнкі.

На адкрыцці форуму выступілі сустаршыні міжурадавай камісіі па гандлёва-эканамічным супрацоўніцтве - віцэ-прэм`еры Узбекістана і Беларусі Надзір Атажонаў і Міхаіл Русы.

Бакі асабліва адзначылі, што ўжо другі год запар назіраецца тэндэнцыя росту тавараабароту паміж дзвюма краінамі. Гэты станоўчы трэнд дае магчымасць рэалізаваць новыя кааперацыйныя праекты і стымуляваць інвестыцыйныя і таварныя патокі.

Так, прыкладам поспеху прамысловай кааперацыі дзвюх краін з`яўляецца сумеснае прадпрыемства "Амкадор-Агратэхмаш" па вытворчасці поўнага цыкла дарожна-будаўнічай і спецыяльнай тэхнікі на базе Ташкенцкага завода сельгастэхнікі. Акрамя таго, у самым цэнтры Ташкента на тэрыторыі Алайскага рынку пачаў сваю дзейнасць магазін беларускіх тавараў і вядзецца актыўная работа па адкрыцці аналагічнага магазіна ўзбекскіх тавараў у Мінску.

Перспектыўнымі напрамкамі двухбаковага супрацоўніцтва ў рамках форуму абазначаны лёгкая, электратэхнічная, сельскагаспадарчая, горназдабыўная, машынабудаўнічая, харчовая галіны, сумесная вытворчасць будаўнічых матэрыялаў.

У ходзе бізнес-форуму таксама падкрэслена важнасць наладжвання міжрэгіянальных сувязей паміж дзвюма краінамі ў мэтах развіцця ўзаемавыгаднага гандлёва-эканамічнага і інвестыцыйнага супрацоўніцтва.

Бакамі адзначана высокая рэзультатыўнасць вынікаў сустрэч і перагавораў, якія адбыліся ў перыяд знаходжання прадстаўнікоў рэгіёнаў Узбекістана ў Беларусі. У мэтах актывізацыі міжрэгіянальнага супрацоўніцтва паміж прадстаўнікамі бізнесу Узбекістана і Беларусі падпісаны пагадненні аб супрацоўніцтве гандлёва-прамысловых палат Ташкента і Мінска, а таксама Ташкенцкай і Гомельскай абласцей.

Заяўлена аб зацікаўленасці ў далейшым умацаванні двухбаковага супрацоўніцтва паміж органамі стандартызацыі, узаемным абмене вопытам у сферы прымянення сусветных стандартаў, акрэдытацыі лабараторый у міжнародных органах сертыфікацыі, стварэнні эфектыўнай сістэмы падрыхтоўкі кадраў.

13 верасня 2018, Мінск
БЕЛТА
 
Дата публикации:13.09.2018
Тематика:Товары из Беларуси, Экономика
Просмотров:468
 
Ключевые слова:
Узбекистан Товарооборот Инвестиции Сотрудничество Ташкент
 
 


Комментарии



 



Другие новости по этой теме