https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Беларусь павялічыла ЗВР на $2 мільярды за год


У цяперашні час рост ВУП айчыннай эканомікі адстае ад прагнозных паказчыкаў, што непасрэдна звязана з нізкім ростам прамысловай вытворчасці.
Золатавалютныя рэзервы краіны з пачатку года павялічыліся на два мільярды долараў, заявіў прэм`ер-міністр Сяргей Румас на пасяджэнні Савета міністраў, паведамілі ў прэс-службе ўрада.

"На першае лістапада золатавалютныя рэзервы краіны склалі 9,2 мільярда долараў", - распавёў Румас.

Паводле яго слоў, за восем месяцаў бягучага года рэальныя грашовыя даходы беларусаў павялічыліся на 6,8%. Праўда, пры гэтым не выкананы паказчыкі росту прадукцыйнасці працы і экспарту. У той жа час ад прагнознага задання адстае рост ВУП краіны.

"Відавочна, што гэта абумоўлена адмоўнай дынамікай у ключавых галінах эканомікі. Запавольваюцца тэмпы росту прамысловасці", - звярнуў увагу кіраўнік урада.

Пасля чаго дадаў, што рост прамысловай вытворчасці за дзевяць месяцаў склаў усяго 0,7%, што адразу на 2,9% ніжэй за прагнозны паказчык.

"Пры гэтым толькі на складах арганізацый, падпарадкаваных Мінпраму, знаходзіцца прадукцыі на 127,3% да сярэднямесячнага аб`ёму вытворчасці. Гэта траціна складскіх запасаў галіны", - канстатаваў прэм`ер.

На яго думку, такая сітуацыя негатыўна адбіваецца на наяўнасці абаротных сродкаў у прадпрыемстваў.

Мінск, 5 лістапада 2019
Sputnik 
 
Дата публикации:05.11.2019
Тематика:Бизнес, Экономика
Просмотров:229
 
Ключевые слова:
ВВП Золотовалютные резервы Финансы
 
 


Комментарии



 



Другие новости по этой теме