https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Гендарная роўнасць, якая з`яўляецца адной з мэтаў устойлівага развіцця, у поўным аб`ёме не дасягнутая ні ў Беларусі, ні ў якой-небудзь іншай дзяржаве свету


Такое меркаванне выказала намеснік старшыні Савета Рэспублікі Нацыянальнага сходу, кіраўнік грамадскага аб`яднання "Беларускі саюз жанчын" Мар`яна Шчоткіна ў эфіры нядзельнай праграмы "Галоўны эфір" на тэлеканале "Беларусь 1" увечары 10 сакавіка.
Паводле слоў Мар`яны Шчоткінай, для беларускай дзяржавы рэалізацыя гендарнай палітыкі з`яўляецца адной з прыярытэтных задач. У прыватнасці ў краіне выконваюць "пяты план па рэалізацыі гендарнай палітыкі, пры Савеце міністраў існуе і актыўна працуе Нацыянальны савет па гендарнай палітыцы, які ўзначальвае міністр працы і сацыяльнай абароны".

"Аднак калі глядзець шчыра, то мы ўсё роўна разумеем, што двайныя стандарты ёсць, — заявіла Шчоткіна. — У жыцці ўсё роўна сутыкаешся з такімі сітуацыямі, калі, напрыклад, на працу прыходзяць уладкоўвацца два маладыя спецыялісты. Пры іншых роўных умовах наймальнік аддасць перавагу, хутчэй за ўсё, юнаку, таму што ён выдатна разумее, што маладая жанчына — гэта магчымасць дэкрэтнага адпачынку. Толькі паўтара працэнта мужчын у нас знаходзяцца ў адпачынку па доглядзе дзіцяці".

"Калі рэалізацыя [гендарнай палітыкі] будзе не толькі дэ-юрэ, але і дэ-факта, тады мы зможам сказаць, што сапраўды гэтыя магчымасці [гендарнай роўнасці] поўнасцю дадзеныя", — дадала яна.

Шчоткіна адзначыла, што сёння роля жанчын у Беларусі змянілася: яны сталі больш патрабавальныя да грамадства, у іх з`явілася жаданне самарэалізацыі — "у сям`і, кар`еры або спалучэнні гэтых роляў".

"Атрымаў развіццё кірунак жаночага прадпрымальніцтва, — адзначыла намеснік старшыні верхняй палаты парламента. — Пытанні самазанятасці, гнуткі працоўны дзень вельмі важныя для жанчыны. Фінансавая самадастатковасць і самастойнасць таксама выйшлі на пярэдні план для кожнай жанчыны — таму што не хочацца адчуваць залежнасць ад каго-небудзь, хочацца мець сваю крыніцу даходу. Вядома, каб жаночае прадпрымальніцтва развівалася, жанчыны павінны адна адной дапамагаць".

"Зараз мы рэалізуем вельмі цікавы новы праект — "Жаночая справа". Калі абвясцілі гэты праект, больш за 20 жанчын, якія альбо пачынаюць сваю справу, альбо ўжо дасягнулі нейкіх пэўных поспехаў, звярнуліся з праблемнымі пытаннямі: "Як будаваць бізнес?" З імі праводзілі вучобу, кансультацыі, як цяпер модна казаць, ментары Беларускага саюза жанчын арганізавалі гэты працэс", — паведаміла Шчоткіна.

Захар Шчарбакоў, БелаПАН
Мінск, 11 сакавіка 2019
 
Дата публикации:11.03.2019
Тематика:Культура, Экономика
Просмотров:268
 
Ключевые слова:
Белорусский союз женщин Гендерная политика
 
 


Комментарии



 



Другие новости по этой теме