https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


У Вільнюсе з удзелам намесніка кіраўніка МЗС Беларусі Краўчанкі абмеркаваныя ўзнятыя Літвой пытанні па БелАЭС


Пра гэта паведамляе прэс-служба беларускага МЗС.
5 чэрвеня ў Міністэрстве замежных спраў Літвы прайшла сустрэча намесніка міністра замежных спраў Беларусі Алега Краўчанкі з віцэ-міністрам замежных спраў Літвы Дарусам Скусявічусам, 

"Падчас перамоў адбылося прынцыповае абмеркаванне ўзнятых Літвой пытанняў у сувязі з будаўніцтвам АЭС у Беларусі. Разам з канстатацыяй шэрагу істотных рознагалоссяў у ацэнках беларускага і літоўскага бакоў, намеснікам міністра замежных спраў Беларусі была даведзеная інфармацыя аб прыняцці неабходных мер па арганізацыі бяспекі падчас будаўніцтва і будучай эксплуатацыі БелАЭС, выкананні міжнародных абавязацельстваў і адпаведным узаемадзеянні Беларусі з профільнымі міжнароднымі арганізацыямі, уключаючы супрацоўніцтва з МАГАТЭ, а таксама аб завяршэнні ў цяперашні час працэсу разгляду вынікаў стрэс-тэстаў БелАЭС падчас партнёрскай праверкі, якая праводзіцца ў адпаведнасці з добраахвотна ўзятымі Беларуссю абавязацельствамі і паводле ўзгодненаму з Еўрапейскай камісіяй алгарытму", — гаворыцца ў паведамленні.

Адбылося таксама абмеркаванне стану спраў і перспектыў развіцця ўзаемадзеяння Беларусі з Еўрапейскім саюзам. У гэтым кантэксце прайшла дыскусія па пытаннях правоў чалавека.

У межах абмеркавання беларуска-літоўскіх адносін бакі канстатавалі ўзаемную зацікаўленасць у падтрыманні высокага ўзроўню эканамічнага ўзаемадзеяння, у тым ліку падкрэсліўшы важнасць рэгулярнага правядзення беларуска-літоўскіх эканамічных форумаў. 14-ты форум пройдзе ў Віцебску 7—8 чэрвеня.

Літоўскі бок не раз падымаў пытанне аб небяспечнасці Беларускай АЭС. У верасні 2017 года літоўскі ўрад прыняў пастанову, скіраваную на абарону ад БелАЭС, "якая ўяўляе пагрозу нацбяспецы, атачэнню і грамадству Літвы". Дакумент прадугледжвае шэраг мер, скіраваных на тое, каб пасля запуску АЭС у Літву не магла трапіць беларуская электраэнергія, за выключэннем той, якая неабходная для забеспячэння надзейнасці энергетычнай сістэмы краіны.

Аляксей Арэшка, БелаПАН
Мінск, 5 чэрвеня 2018
 
Дата публикации:05.06.2018
Тематика:Бизнес, Экономика
Просмотров:542
 
Ключевые слова:
Литва Белорусская АЭС Ядерная энергетика Вільня Астравец Строительство
 
 


Комментарии



 



Другие новости по этой теме