https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


У Беларусі распрацавалі праграму па стрымліванні росту цэн


Аб гэтым расказаў у інтэрв`ю газеце "Рэспублiка" міністр антыманапольнага рэгулявання і гандлю Аляксей Багданаў.
"Цяпер сумесна з іншымі дзяржорганамі мы распрацавалі і ўнеслі ва ўрад праграму па стрымліванні росту цэн, у якой змешчаны шэраг кароткатэрміновых мер. Разлічваю, што ў бліжэйшы час дакумент будзе прыняты, яго дэталі стануць агульнавядомымі. Але гэта не адзінае, што дапаможа хутчэй стрымаць інфляцыю. Усе дзяржорганы працуюць над стварэннем, паляпшэннем умоў для суб`ектаў гаспадарання, якія дапамогуць нівеліраваць негатыўны ўплыў знешніх фактараў, нарасціць аб`ёмы вытворчасці, замясціць імпарт, павысіць якасць прадукцыі. Усё гэта дапаможа ў бліжэйшай перспектыве вярнуць інфляцыю да адназначнага ўзроўню", - сказаў Аляксей Багданаў.

Задача МАРГ пры цэнавым рэгуляванні - захаваць дзеяздольнасць і эканамічную ўстойлівасць айчынных вытворцаў і імпарцёраў тавараў крытычнага імпарту, стабільную работу гандлёвых арганізацый і захаваць інтарэсы спажыўцоў.

"Мы пастаянна аналізуем тое, як працуюць прымаемыя намі меры, і ў выпадку неабходнасці карэктуем падыходы. Па-іншаму сёння нельга, таму што і сітуацыя ў сусветнай эканоміцы мяняецца вельмі хутка, і нам трэба аператыўна прымаць адпаведныя меры для дэмпфавання негатыўнага ўплыву на эканоміку нашай дзяржавы", - адзначыў міністр.

Паводле яго слоў, сітуацыя на спажывецкім рынку выраўнавалася і захоўваецца стабільнай, у аб`ектах гандлю прадстаўлены шырокі асартымент тавараў у адпаведнасці з пакупніцкімі густамі. Дысбалансу попыту і прапанавання на спажывецкім рынку няма.

"З улікам увядзення адносна нашай краіны санкцый імпарцёры аператыўна пераарыентавалі пастаўкі прадукцыі з дружалюбных краін, а айчынныя вытворцы нарошчваюць аб`ёмы і асвойваюць новыя віды прадукцыі, якія раней не вырабляліся ў краіне. І, як відаць на практыцы, на нашых паліцах у поўным аб`ёме і шырокім асартыменце прысутнічаюць усе тавары, прывычныя для нашага спажыўца. Дэфіцыту няма", - падкрэсліў Аляксей Багданаў.

10 чэрвеня 2022, Мінск
БЕЛТА
 
Дата публикации:10.06.2022
Тематика:Бизнес, Экономика
Просмотров:911
 
Ключевые слова:
Рост цен Продовольственная безопасность Ценообразование Санкции Импортозамещение Диверсификация импорта Антимонопольное регулирование Соцзащита в Беларуси
 
 


Комментарии



 



Другие новости по этой теме