https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Вялікая сетка супермаркетаў правінцыі Хубэй наладжвае супрацоўніцтва з беларускімі пастаўшчыкамі


Аб гэтым паведамілі ў пасольстве Беларусі ў Кітаі.
Стэнды беларускай прадукцыі 18 жніўня адкрыліся ў сетцы супермаркетаў "Чжун Бай" у горадзе Ухань, у тым ліку ў буйнейшым супермаркеце "У Шан".

У цырымоніі адкрыцця прыняў удзел Надзвычайны і Паўнамоцны Пасол Беларусі ў Кітаі Кірыл Руды. Ён падкрэсліў, што пастаўкі беларускай харчовай прадукцыі даюць магчымасць праявіць эфектыўнасць сумеснага выкарыстання сухапутных транспартных калідораў у рамках канцэпцыі эканамічнага пояса Шаўковага шляху.

Пастаўкі прадукцыі сталі магчымы менавіта дзякуючы выкарыстанню магчымасці запаўнення чыгуначных кантэйнерных паяздоў, што курсіруюць паміж Кітаем і Еўропай. Прэзентацыя стала важнай падзеяй для беларускіх вытворцаў, прадукцыя якіх упершыню афіцыйна трапіла на паліцы буйнейшай у правінцыі Хубэй сеткі супермаркетаў.

У супермаркеце прадстаўлена прадукцыя ААТ "Савушкін прадукт", якая карыстаецца попытам. Кампанія "Ухань Ханьоу" разглядае магчымасць пашырэння наменклатуры імпартуемых тавараў, уключаючы беларускі алкаголь, шакалад і цукеркі.

Правінцыя Хубэй - адна з самых эканамічна развітых і густанаселеных у Кітаі. Насельніцтва правінцыі - 59 млн чалавек, насельніцтва сталіцы (г.Ухань) - 11 млн чалавек.

Апошнім часам штогадовы прырост ВУП правінцыі складае ў сярэднім 8-9 працэнтаў. У правінцыі - пабрацімскія сувязі з Брэсцкай вобласцю.

У г.Сяагань правінцыі Хубэй 18 гадоў паспяхова функцыянуе беларуска-кітайскае сумеснае прадпрыемства "Санцзян-Волат" (беларускі партнёр - ААТ "МЗКЦ").

З 2017 года штотыднёва ідуць пастаўкі ў правінцыю кантэйнераў малочнай прадукцыі Брэсцкай вобласці. На завяршальнай стадыі перагаворы аб стварэнні інвестарамі правінцыі Хубэй вялікага лагістычнага цэнтра ў Брэсцкай вобласці.

18 жніўня 2017, Мінск
Аліна Грышкевіч - БЕЛТА
 
Дата публикации:18.08.2017
Тематика:Товары из Беларуси, Экономика
Просмотров:1026
 
Ключевые слова:
Беларусь-Китай Провинция Хубэй Логистика Товарооборот
 
 


Комментарии



 



Другие новости по этой теме