https://www.kurs.kz/ - Курсы валют в обменных пунктах г. Алматы и других городах Казахстана
 


 


Найти
 
 


Экспарт у Нарвегію і Швейцарыю стане менш затратным і больш хуткім дзякуючы сістэме REX


Аб гэтым паведамілі ў Дзяржаўным мытным камітэце.
У Беларусі ўкаранёна сістэма зарэгістраваных экспарцёраў REX, якая прымяняецца Нарвегіяй і Швейцарыяй у рамках нацыянальных прэферэнцыйных схем. Гэта вызначана ўказам ад 23 чэрвеня 2020 года нумар 236, які сёння ўступіў у сілу.

"Дзякуючы выкарыстанню сістэмы REX экспарт беларускай прадукцыі ў Нарвегію і Швейцарыю стане менш затратным і больш хуткім. Яе ўкараненне забяспечыць спрыяльныя ўмовы для паставак", - адзначылі ў ДМК.

Удзельнік знешнеэканамічнай дзейнасці павінен атрымаць статус зарэгістраванага экспарцёра ў сістэме REX, звярнуўшыся ў Беларускую гандлёва-прамысловую палату. Пасля гэтага экспарцёр зможа самастойна заяўляць звесткі аб беларускім паходжанні тавараў у камерцыйных дакументах, якія будуць выкарыстоўвацца ў Нарвегіі і Швейцарыі для прадастаўлення тарыфных прэферэнцый адносна беларускай прадукцыі.

Раней беларускім экспарцёрам неабходна было адносна кожнай таварнай партыі афармляць сертыфікат аб паходжанні тавару формы "А", які і з`яўляўся падставай для прымянення тарыфных прэферэнцый пры ўвозе беларускіх тавараў на тэрыторыю названых краін.

26 чэрвеня 2020, Мінск
БЕЛТА
 
Дата публикации:26.06.2020
Тематика:Товары из Беларуси, Экономика
Просмотров:20
 
Ключевые слова:
Норвегия Швейцария Преференции Белорусская торгово-промышленная палата
 
 


Комментарии



 



Другие новости по этой теме