https://www.kurs.kz/ - Курсы валют в обменных пунктах г. Алматы и других городах Казахстана
 


 


Найти
 
 


ВУП Беларусі за чэрвень вырас на 0.1%


За чэрвень валавы ўнутраны прадукт у Беларусі дэманструе рост на 0,1%. Пра гэта паведаміў прэм`ер-міністр Раман Галоўчанка па выніках нарады Прэзідэнта з кіраўніцтвам эканамічнага блока краіны.
«Беларусь глыбока інтэгравана ў сусветную эканоміку, у міжнародныя кааперацыйныя сувязі. У нас адкрытая, экспартаарыентаваная эканоміка, таму сітуацыя з пандэміяй не магла на нас не адбіцца. Але зараз мы бачым, што рашэнні, якія прыняў Прэзідэнт і якія, дарэчы, крытыкаваліся пэўнымі, былі правільнымі. Мы згубілі ў ВУП нашмат меней, чым нашы суседзі — краіны з больш моцнымі эканомікамі», — растлумачыў журналістам Раман Галоўчанка.

Каб своечасова паспець да моманту адкрыцця закрытых рынкаў, Беларусь не спыняла вытворчасць. Дзесьці зніжаліся абароты праз разрыў вытворча-збытавых ланцужкоў, але сёння краіна дэманструе добрыя на фоне суседзяў паказчыкі: ВУП за паўгода склаўся на ўзроўні 98,3 працэнта, за чэрвень прырост склаў 0,1 працэнта. Кіраўнік урада прагназуе і далейшы рост.

«Пастараемся выйсці на тыя задачы, якія паставіў кіраўнік дзяржавы: мінімум — гэта захаваць леташні ўзровень. Гэта само па сабе складана (многія нашы суседзі загадзя прызналіся, што гэта немагчыма, і для сябе запланавалі лічбы падзення ад —10 да —6 працэнтаў). Але мы плануем прырасці», — удакладніў Раман Галоўчанка.

Звязда, 23 ліпеня 2020
 
Дата публикации:23.07.2020
Тематика:Товары из Беларуси, Экономика
Просмотров:44
 
Ключевые слова:
Пандемия Экспорт ВВП Статистика
 
 


Комментарии



 



Другие новости по этой теме