https://www.kurs.kz/ - Курсы валют в обменных пунктах г. Алматы и других городах Казахстана
 


 


Найти
 
 


Латвія, Літва і Польшча па выніках першага паўгоддзя забяспечылі 57 працэнтаў ад агульнага аб`ёму экспарту тавараў праз Беларускую ўніверсальную таварную біржу


Аб гэтым паведаміў прэс-сакратар БУТБ Раман Яніў.
"У грашовым выражэнні сума імпартных здзелак, ажыццёўленых рэзідэнтамі гэтых краін, склала $116,8 млн. Пры гэтым, як і ў мінулым годзе, лідарам па закупках з`яўляецца Літва з сумай здзелак $56,7 млн, што на 4 працэнты больш, чым за першыя шэсць месяцаў 2019-га", - сказаў Раман Яніў.

У першым паўгоддзі найбольшым попытам у замежных удзельнікаў біржавых таргоў карысталіся абразныя піламатэрыялы хвойных парод, паліўныя шчэпкі і рапсавы алей. Буйнейшымі пакупнікамі піламатэрыялаў сталі літоўскія кампаніі, якія заключылі біржавыя дагаворы на суму $46,6 млн. Польскія прадпрыемствы занялі першае месца па закупках шчэпак, ажыццявіўшы здзелкі на суму $13,7 млн. Што датычыцца рапсавага алею, то самымі актыўнымі пакупнікамі былі эстонскія суб`екты гаспадарання з сумай дагавораў $2,1 млн.

"У цэлым для першай паловы бягучага года было характэрна пашырэнне выкарыстання біржавой пляцоўкі кампаніямі - нерэзідэнтамі Беларусі, што станоўча паўплывала на дынаміку знешнегандлёвага тавараабароту. Напрыклад, экспарт у Бельгію павялічыўся на 73 працэнты (да $1,4 млн), у Кітай - у 6 разоў (да $1,2 млн), у ЗША - на 36 працэнтаў (да $1,1 млн), у Іспанію - на 68 працэнтаў (да $0,7 млн), у Малдову - у 5,7 раза (да $0,6 млн)", - адзначыў прэс-сакратар.

ААТ "Беларуская ўніверсальная таварная біржа" створана ў 2004 годзе. Першыя таргі адбыліся ў чэрвені 2005 года. БУТБ - адна з буйнейшых таварных бірж ва Усходняй Еўропе. Галоўная функцыя біржы - садзейнічанне беларускім прадпрыемствам у экспарце прадукцыі і дапамога замежным кампаніям у выхадзе на беларускі рынак. На біржы прадаюцца метала-, леса-, сельгаспрадукцыя, прамысловыя і спажывецкія тавары шырокай наменклатуры.

Па стане на 1 ліпеня на БУТБ акрэдытаваны 4729 кампаній - нерэзідэнтаў Беларусі, у тым ліку 2399 з Расіі, 444 з Літвы, 374 з Латвіі, 333 з Польшчы, 154 з Эстоніі і 94 з Германіі.

27 ліпеня 2020, Мінск
БЕЛТА
 
Дата публикации:27.07.2020
Тематика:Товары из Беларуси, Экономика
Просмотров:28
 
Ключевые слова:
Биржевые торги БУТБ Экспорт
 
 


Комментарии



 



Другие новости по этой теме