https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Амерыканская нафта пачала паступаць на "Нафтан"


Аб гэтым паведаміў прэс-сакратар "Белнафтахіма" Аляксандр Цішчанка.
"Амерыканская нафта пачала паступаць на "Нафтан". Апоўдні нафту пачалі зліваць з цыстэрнаў саставу, які прыбыў раніцай", - адзначыў Аляксандр Цішчанка.

"Састаў - 60 цыстэрнаў, але амерыканская - 17 цыстэрнаў, паколькі прыбыла ў дадатак да астаткаў арабскай (танкер з нафтай ад Саудаўскай Аравіі прыбыў у Клайпеду ў маі.)", - растлумачыў прэс-сакратар.

Завод рыхтуецца ўключаць амерыканскую нафту ў перапрацоўку. "На працягу 10 дзён уся нафта паступіць на завод", - растлумачыў Аляксандр Цішчанка.

Як паведамлялася, танкер з 77 тыс. т амерыканскай нафты сорту Bakken прыбыў з Тэхаса ў порт Клайпеды 5 чэрвеня. Сыравіна прызначана для перапрацоўкі на наваполацкім НПЗ - ААТ "Нафтан".

У "Белнафтахіме" праінфармавалі, што гэта 12-я танкерная пастаўка ў гэтым годзе для Беларусі ад альтэрнатыўных пастаўшчыкоў. Агульны аб`ём танкерных паставак перавысіў ужо 1 млн т нафты.

Здзелка па пастаўцы першай партыі амерыканскай нафты ў Беларусь заключана пры ўдзеле амерыканскага энергатрэйдара United Energy Trading, а таксама пры садзейнічанні амерыканскай кампаніі Getka і іх польскага партнёра UNIMOT.

11 чэрвеня 2020, Мінск
БЕЛТА
 
Дата публикации:11.06.2020
Тематика:Транспорт, Экономика
Просмотров:259
 
Ключевые слова:
Танкерные перевозки Нефть США
 
 


Комментарии



 



Другие новости по этой теме