Курс валютпокупкапродажа
USD364.35366.58
EUR419.22422.5
RUR5.575.63
www.kurs.kz
 


 



Найти
 
 


Еўразійская эканамічная камісія (ЕЭК) завяршыла фармаванне адзінага рынку лекаў Еўразійскага эканамічнага саюза


Пра гэта заявіў член калегіі (міністр) па тэхнічным рэгуляванні ЕЭК Валерый Карашкоў 27 жніўня на Усерасійскай GMP-канферэнцыі з міжнародным удзелам "Расія і свет. Упраўленне патэнцыялам росту фармацэўтычнага рынку".
"Мы выканалі асноўную задачу, якая была пастаўленая перад намі ў межах Еўразійскага эканамічнага саюза (ЕАЭС), — забяспечыць доступ насельніцтва і спецыялістаў аховы здароўя да бяспечных, якасных і эфектыўных лекавых прэпаратаў. Створана прававая і інфармацыйная база для працы адзінага рынку лекаў", — цытуе Карашкова прэс-служба ЕЭК.

Паводле яго слоў, паспяхова завяршылася комплекснае тэставанне інфармацыйнай сістэмы саюза, якая прызначаная для забеспячэння ўсіх працэсаў рэгістрацыі лекаў. Упаўнаважаныя органы краін ЕАЭС праверылі і пацвердзілі магчымасць адзінай электроннай рэгістрацыі. На жнівень гэтага года першыя шэсць заяў на рэгістрацыю лекавых сродкаў па саюзных правілах прынятыя ў Казахстане, яшчэ дзве — у Беларусі. Найбліжэйшым часам і іншыя дзяржавы-члены гатовы пачаць актыўнае выкарыстанне саюзнай інфармацыйнай сістэмы.

Карашкоў адзначыў, што цалкам прапрацаванае правядзенне інспектавання па правілах GMP саюза. Дзве першыя заяўкі на правядзенне такога інспектавання прынятыя ў Беларусі. Вытворца, які гатовы прайсці адпаведную працэдуру, можа накіраваць заяўку ў любы з інспектаратаў краін ЕАЭС.

Удзельнікі мерапрыемства абмеркавалі ўкараненне сістэмы GMP саюза на ўзроўні кожнага фармацэўтычнага прадпрыемства, якое працуе на рынку саюза, а таксама пытанні арганізацыі і ўзаемадзеяння фармацэўтычных інспектаратаў бакоў. "Паспяховае вырашэнне гэтых задач будзе залогам выхаду нашых вытворцаў на міжнародны рынак, дасць магчымасць павысіць канкурэнтаздольнасць вырабляных фармпрамысловасцю лекаў", — падкрэсліў Карашкоў.

Як заявіў міністр ЕЭК, саюзная нарматыўная база ў сферы абарачэння лекаў уяўляе сістэму з 35 нарматыўных актаў.

Гэта 22 рашэнні Савета ЕЭК, якімі прынятыя ўсе належныя практыкі ў сферы абарачэння лекавых сродкаў — GMP, GCP, GLP, GDP, GVP. У гэтую групу ўваходзяць таксама асноўныя дакументы па інспектаванні вытворчасцяў, пацвярджэнні эквівалентнасці скапіяваных лекаў, распрацоўцы і вывучэнні біялагічных лекавых прэпаратаў.

Шэсць рашэнняў калегіі камісіі ўстанаўліваюць патрабаванні да пералікаў лекаў рэцэптурнага і безрэцэптурнага водпуску, уведзеная наменклатура гатовых лекавых формаў, вызначаны падыходы да валідацыі аналітычных методык, а таксама адзіныя правілы даследавання стабільнасці прэпаратаў.

Сем рэкамендацый Калегіі ЕЭК усталёўваюць падыходы да водападрыхтоўкі і валідацыю працэсаў вытворчасці, што дазваляе ажыццяўляць пацвярджэнне стабільнасці вытворчага працэсу па адзіных прынцыпах і правілах.

Ірына Турчына, БелаПАН
Мінск, 28 жніўня 2018
 
Дата публикации:28.08.2018
Тематика:ЕАЭС, Экономика
Просмотров:48
 
Ключевые слова:
ЕЭК Фармацевтика Ценообразование
 
 


Комментарии



 



Другие новости по этой теме