https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Кыргызстан выступае за ўзмацненне прамысловай кааперацыі ў рамках ЕАЭС цяпер і ў посткрызісны перыяд


Гэта адзначыў выконваючы абавязкі Прэзідэнта Кыргызстана Талант Мамытаў, выступаючы на пасяджэнні Вышэйшага Еўразійскага эканамічнага савета, якое праходзіць у фармаце відэаканферэнцыі.
Талант Мамытаў звярнуў увагу, што ўпершыню ў пасяджэнні ўдзельнічаюць прэзідэнты Узбекістана і Кубы, што пацвярджае правільнасць выбранага краінамі ЕАЭС курсу работы з партнёрамі.

"Удзел у Еўразійскім эканамічным саюзе - прыярытэтны напрамак знешняй палітыкі Кыргызстана, - падкрэсліў Талант Мамытаў. - Мы выступаем за адкрыты дыялог па ўсіх напрамках".

Паводле яго слоў, хоць саюз даволі малады, ён праходзіць дастойны і якасны шлях развіцця.

Выконваючы абавязкі Прэзідэнта Кыргызстана лічыць важным на гэтай сустрэчы вызначыць перспектывы далейшага развіцця інтэграцыйных працэсаў у рамках саюза.

"Для кыргызскага боку важна фармаванне агульнага рынку газу. Гэта пытанне застаецца адным з важнейшых прыярытэтаў нашага супрацоўніцтва і адным з істотных складнікаў у забеспячэнні энергетычнымі запасамі нашых краін, - сказаў Талант Мамытаў. - Улічваючы асаблівасці паставак газу ў Кыргызскую Рэспубліку, лічу, што неабходна прадугледзець недыскрымінацыйны падыход па доступе да інфраструктуры для транспартоўкі газу незалежна ад краіны ў мэтах забеспячэння ўнутранай патрэбнасці дзяржаў - членаў саюза".

Талант Мамытаў у сваім выступленні таксама сказаў аб зніжэнні эканамічнага супрацоўніцтва ва ўмовах пандэміі і адзначыў высокі інтэграцыйны патэнцыял ЕАЭС.

11 снежня 2020, Мінск
БЕЛТА
 
Дата публикации:11.12.2020
Тематика:ЕАЭС, Экономика
Просмотров:348
 
Ключевые слова:
Интеграция Кыргызстан
 
 


Комментарии



 



Другие новости по этой теме