https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Тэхрэгламент ЕАЭС дапоўнены патрабаваннямі да адноўленага малака


Савет Еўразійскай эканамічнай камісіі ўнёс змяненні ў тэхнічны рэгламент Еўразійскага эканамічнага саюза "Аб бяспецы малака і малочнай прадукцыі", паведамілі ў прэс-службе ЕЭК.
"Дакумент дапоўнены патрабаваннямі да адноўленага малака, якое ўключана ў катэгорыю малочных прадуктаў, расфасаваных у спажывецкую ўпакоўку, - растлумачылі ў ЕЭК. - Такім чынам, устараняецца няпэўнасць па яго ідэнтыфікацыі і паказчыках бяспекі. Да гэтага часу вытворцы адноўленага малака пры пацвярджэнні яго адпаведнасці і маркіроўцы былі вымушаны выкарыстоўваць менш прывабнае для спажыўцоў найменне - "малочны напітак" замест "адноўленае малако".

Змяненнямі ў тэхрэгламент вызначана, што адноўленае малако - гэта малочны прадукт, расфасаваны ў спажывецкую тару, або сыравіна для вытворчасці прадуктаў перапрацоўкі малака, акрамя пітнога, вырабленыя з канцэнтраваных, згушчаных або сухіх малочных прадуктаў і вады.

"Змяненні дадуць магчымасць добрасумленным вытворцам адноўленага малака ідэнтыфікаваць яго, фасаваць у спажывецкую ўпакоўку і выпускаць у абарачэнне як адноўленае малако", - дадалі ў ЕЭК.

Рашэнне Савета ЕЭК уступае ў сілу пасля заканчэння 180 каляндарных дзён з даты афіцыйнага апублікавання на сайце камісіі.

10 ліпеня 2020, Масква
Эдуард Півавар - БЕЛТА
 
Дата публикации:10.07.2020
Тематика:ЕАЭС, Экономика
Просмотров:357
 
Ключевые слова:
Техрегламент Продовольственная безопасность Молоко
 
 


Комментарии



 



Другие новости по этой теме