"Касмічная галіна Беларусі ўпэўнена развіваецца, - адзначыў Аляксандр Скварцоў. - Асвоена вытворчасць шэрага высокатэхналагічных сістэм, кампанентаў, матэрыялаў для касмічнай тэхнікі. Сумесна з расійскімі калегамі ствараецца новы расійска-беларускі апарат дыстанцыйнага зандавання Зямлі. Прыборы, створаныя беларускімі вучонымі, паспяхова выкарыстоўваюцца на МКС".

У сваю чаргу Алег Скрыпачка сказаў, што ўсё гэта шмат у чым дзякуючы беларускім навукоўцам, чые імёны залатымі літарамі ўпісаны ў сусветную навуку.

"Жадаем вам заўсёды знаходзіць адказы на самыя складаныя пытанні. Няхай здароўе, шчасце і дабрабыт заўсёды будуць з вамі і вашымі сем`ямі", - сказаў ён.

24 студзеня 2020, Мінск
БЕЛТА