https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Нацыянальны стэнд да 500-годдзя беларускага кнігадрукавання прадстаўлены ў Алматы


Аб гэтым паведамілі ў Мінінфарме.
Дэлегацыя Міністэрства інфармацыі Беларусі з 6 па 8 красавіка прымае ўдзел у ІХ Міжнароднай кніжнай і паліграфічнай выстаўцы "Па Вялікім Шаўковым шляху-2017", якая праходзіць у Алматы (Казахстан).

У дзень адкрыцця выстаўкі адбылася прэзентацыя нацыянальнага стэнда, прысвечаная 500-годдзю беларускага кнігадрукавання. Госці мерапрыемства змаглі азнаёміцца з лепшымі навінкамі вядучых выдавецтваў, пранікнуцца традыцыямі нацыянальнай культуры дзякуючы акапэльнаму гучанню народных песень "Купалінка" і "Полька беларуская" ў выкананні юнай Настассі Майсюк.

На выстаўцы ў Алматы прадстаўлены вядучыя выдавецтвы, паліграфічныя прадпрыемствы і бібліятэкі Казахстана, Расіі, Беларусі, Кыргызстана, Індыі, Турцыі і іншых краін, якія сабраліся для абмеркавання актуальных праблем і перспектыў развіцця выдавецка-паліграфічнай і бібліятэчнай галін, а таксама для пашырэння дзелавых і прафесійных кантактаў і абмену вопытам.

У 2017 годзе адзначаецца юбілей беларускага кнігадрукавання, тэматычныя мерапрыемствы праводзяцца і за мяжой.

У 1517 годзе ў Празе Францыскам Скарынам быў выдадзены Псалтыр. Затым вялікі асветнік і гуманіст падрыхтаваў і выдаў астатнія кнігі Старога запавету пад агульнай назвай "Біблія Руска".

7 красавіка 2017, Мінск
БЕЛТА
 
Дата публикации:07.04.2017
Тематика:Новости, Культура
Просмотров:744
 
Ключевые слова:
Выставка Книгоиздание "По Великому Шёлковому пути" 500-годдзе беларускага кнігадрукавання
 
 


Комментарии



 



Другие новости по этой теме