Курс валютпокупкапродажа
USD310.87311.87
EUR348.06350.15
RUR5.55.54
www.kurs.kz
 


 




Найти
 
 


Класічная музыка беларускіх аўтараў будзе гучаць у мінскім метро


Аб гэтым паведамілі арганізатары праекта.
Класічная музыка будзе гучаць у сталічнай падземцы. Культурны праект "Гукі метро. Слухай сваё" стаў адным з фіналістаў конкурсу Social Weekend.

Ідэю падтрымалі спонсары і Мінскі метрапалітэн. Такія ініцыятывы ўжо рэалізаваны ў іншых краінах і, як паказвае практыка, знаходзяць станоўчы водгук.

Так, у метро Парыжа, Рыма, Нью-Ёрка, Лондана, Бруселя, Масквы класіка гучыць даўно на пастаяннай аснове. "Мы хочам паказаць мінчанам і гасцям сталіцы, што беларуская культура багатая, унікальная і заслугоўвае не меншай увагі, чым іншыя культуры.

Праект азнаёміць з творчасцю таленавітых айчынных кампазітараў", - расказалі ініцыятары праекта Глеб Вайкуль і Дар`я Бараноўская.

Магчыма, ужо з 1 чэрвеня на платформах усіх станцый метро будуць уключаць музычныя кампазіцыі беларускіх аўтараў. Першы ролік прадставіць паланэз Напалеона Орды "Паўночная зорка".

Social Weekend - буйнейшы конкурс сацыяльных праектаў Беларусі. Упершыню ён прайшоў у 2013 годзе. Сума фінансавай дапамогі, аказанай мецэнатамі канкурсантам, перавышае Br200 тыс. У фінале конкурсу ў бягучым годзе былі прадстаўлены праекты, накіраваныя на дапамогу цяжкахворым і асаблівым дзецям, людзям з інваліднасцю, прапаганду здаровага ладу жыцця, паляпшэнне гарадскога асяроддзя, узаемаадносін паміж дзецьмі і бацькамі.

Таксама на перамогу прэтэндавалі ідэі ў сферах культуры і мастацтва, адукацыі.

19 мая 2017, Мінск
Надзея Мацвеева - БЕЛТА
 
Дата публикации:19.05.2017
Тематика:Транспорт, Культура
Просмотров:18
 
Ключевые слова:
Social Weekend Мінск Метрополитен Классическая музыка
 
 


Комментарии



 



Другие новости по этой теме