https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Распараджэннем прэзідэнта да Еўрапейскіх гульняў 2019 года рэканструююць шэраг спартыўных аб`ектаў


Аляксандр Лукашэнка падпісаў распараджэнне аб фінансаванні будаўніцтва (рэканструкцыі) асобных спартыўных аб`ектаў, паведамляе прэс-служба прэзідэнта.
У ліку такіх аб`ектаў будынак Рэспубліканскага навукова-практычнага цэнтра спорту, спартыўна-стралковы комплекс ва Уруччы, шматпрофільная спартыўная зала Рэспубліканскага вучылішча алімпійскага рэзерву, інжынерныя сеткі і добраўпарадкаванне Рэспубліканскага цэнтра алімпійскай падрыхтоўкі "Стайкі".

Будаўніцтва гэтых аб`ектаў было пачата раней за кошт сродкаў дзяржаўнай інвестыцыйнай праграмы. Аб`екты прызначаюцца для вучэбна-трэніровачнай работы спартсменаў нацыянальных каманд, навучэнцаў Рэспубліканскага вучылішча алімпійскага рэзерву, дзіцяча-юнацкіх спартыўных школ, а таксама будуць выкарыстоўвацца для аказання фізкультурна-аздараўленчых паслуг насельніцтву.

Акрамя таго, распараджэннем кіраўніка дзяржавы прадугледжваецца завяршэнне будаўніцтва інтэрната № 2 комплексу "Студэнцкая вёска".

Для своечасовага ўводу ў эксплуатацыю названых аб`ектаў, якія таксама плануецца задзейнічаць пры правядзенні II Еўрапейскіх гульняў 2019 года, будуць прыцягнутыя крэдытныя сродкі ААТ "Банк развіцця Рэспублікі Беларусь".

Аляксей Арэшка, БелаПАН
Мінск, 7 сакавіка 2017
 
Дата публикации:07.03.2017
Тематика:Бизнес, Спорт и Туризм
Просмотров:927
 
Ключевые слова:
Строительство Реконструкция Европейские игры-2019
 
 


Комментарии



 



Другие новости по этой теме