https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Прадстаўнікі турбізнесу ЗША і Канады наведваюць Беларусь для знаёмства з турыстычнымі магчымасцямі краіны


Пра гэта паведамілі ў прэс-службе Міністэрства спорту і турызму.
У групу ўваходзіць 12 прадстаўнікоў амерыканскіх і канадскіх кампаній, а таксама прэзідэнт адной з фінскіх турыстычных фірм.

Яны прыбылі ў Беларусь па пяцідзённым бязвізавым рэжыме. Госці ўжо наведалі Мір, Нясвіж, Хатынь, Лінію Сталіна, пабывалі на адной з аграэкасядзіб. Для іх была арганізавана аглядная экскурсія па Мінску. У праграме таксама паездка ў Жодзіна на вытворчасць БелАЗ.

9 чэрвеня ўдзельнікі туру правялі рабочую сустрэчу ў Міністэрстве спорту і турызму, дзе сустрэліся са спецыялістамі з міністэрства, Нацыянальнага агенцтва па турызме, а таксама з калегамі з беларускіх туркампаній.

Начальнік аддзела маркетынгу і якасці турысцкіх паслуг Дэпартамента па турызме Мінспорту Ганна Муха расказала, што новыя правілы бязвізавага знаходжання ў Беларусі садзейнічаюць актывізацыі турыстычных паездак, а таксама спрашчэнню дзелавых кантактаў.

Паводле яе інфармацыі, з лютага бягучага года правам бязвізавага ўезду праз Нацыянальны аэрапорт Мінск ужо скарысталіся амаль 23 тыс. чалавек з 65 краін.

У прэс-службе таксама адзначылі, што ў гэтыя дні ў Беларусі знаходзіцца група японскіх журналістаў, якая рыхтуе серыю рэпартажаў аб краіне.

9 чэрвеня 2017, Мінск
БЕЛТА
 
Дата публикации:09.06.2017
Тематика:Бизнес, Спорт и Туризм
Просмотров:756
 
Ключевые слова:
Туризм в Беларуси США Канада
 
 


Комментарии



 



Другие новости по этой теме