Курс валютпокупкапродажа
USD370.83373.16
EUR419.42422.9
RUR5.565.63
www.kurs.kz
 


 



Найти
 
 


Сяргей Вязовіч вярнуў сабе трэцяе месца ў агульным заліку "Дакара"


Лідар каманды "МАЗ-СПОРТаўта" Сяргей Вязовіч паспяхова пераадолеў дзясяты спецучастак і вярнуў сабе трэцяе месца ў агульным заліку ралі-рэйду "Дакар-2018", паведамілі ў ААТ "МАЗ".
Дзясяты этап уключаў два спецучасткі агульнай працягласцю 373 км, якія прывялі гоншчыкаў ў аргенцінскі Белен. Траса ўяўляла сабой бездараж з друзлымі пяскамі. У многіх аўтамабіляў не хапала магутнасці, каб выйсці на максімальную хуткасць.

Спецучастак Вязовіч пераадолеў з трэцім вынікам — 5 гадзін 42 хвіліны. Пераможцам заезду стаў галандзец Тоні ван Генугтэн на Iveco, які аказаўся хутчэйшым на 11 хвілін. Побач з ім завяршыў гонку аргентынец Федэрыка Вілагра. У агульным заліку беларусы ідуць трэцімі і адстаюць ад расіяніна Эдуарда Нікалаева на 3 гадзіны 48 хвілін.

Аляксей Вішнеўскі фінішаваў на 7-й пазіцыі, ён патраціў на спецучастку прыблізна шэсць гадзін і прайграў пераможцу этапу 29 хвілін. У генеральнай класіфікацыі экіпаж займае 16-ты радок.

Аляксандр Васілеўскі з-за праколу двух колаў апынуўся на фінішы толькі 12-м. Яго час — 6 гадзін 50 хвілін, адставанне — 1 гадзіна 18 хвілін. У агульным заліку экіпаж знаходзіцца на 15-й пазіцыі.

Каманда МАЗа працягвае змагацца з арганізатарамі за спісанне 20-хвіліннага штрафу. Лідара каманды Вязовіча раней абвінавацілі ў пашкоджанні спорткара "Таёта" і выпісалі 20 хвілін штрафнога часу. Арганізатары пакуль не даюць зразумелых растлумачэнняў і просяць доказы. Да інцыдэнту падключылі дырэктара гонкі.

На 11-м этапе гоншчыкаў чакае заезд з сумесным стартам, калі на трасу адначасова выйдуць матацыклы, джыпы і грузавікі. Працягласць спецучастка складзе 280 км, на якім гоншчыкаў зноў чакаюць пяскі.

Беларусы ўдзельнічаюць у ралі-рэйдзе "Дакар" сёмы раз. Уладальнікам каманды выступае Мінскі аўтазавод, тэхнічным партнёрам — тэлекам-аператар velcom. Асноўная мэта — увайсці ў лік наймацнейшых экіпажаў паводле вынікаў ралі ў заліку грузавікоў. Марафон сёлета праходзіць па тэрыторыі Перу, Балівіі і Аргенціны. Працягласць толькі хуткасных участкаў складае 3,5 тыс. км, прычым большая частка маршруту прыпадае на высакагор`е. Завершыцца гонка 20 студзеня ў аргенцінскай Кардобе.

Аляксей Арэшка, БелаПАН
Мінск, 17 студзеня 2018
 
Дата публикации:17.01.2018
Тематика:Транспорт, Спорт и Туризм
Просмотров:296
 
Ключевые слова:
МАЗСпортавто Ралли Дакар-2018 Автогонки
 
 


Комментарии



 



Другие новости по этой теме