https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Беларус Юрый Голуб заваяваў другое золата Паралімпійскага ЧС па лыжных відах спорту


Беларус Юрый Голуб заваяваў сваё другое золата Паралімпійскага чэмпіянату свету па лыжных відах спорту ў нарвежскім Лілехамеры.
16-га студзеня разам з лідарам Уладзімірам Чапеліным Юрый Голуб выйграў гонку біятланістаў на 10 км для спартсменаў з парушэннем зроку. Учора іх тандэм быў лепшым на спрынтарскай дыстанцыі працягласцю 6 км. Акрамя таго, Юрый Голуб з лідэрам Мікітам Маслоўскім заваяваў бронзавы медаль лыжнай гонкі на 12,5 км класічным ходам.

У актыве беларусаў яшчэ дзве ўзнагароды. У першы дзень спаборніцтваў золата сусветнага першынства ў скарбонку беларускай каманды прынесла Святлана Саханенка (лідар — Дзмітрый Будзіловіч), якая першынствавала ў лыжнай гонцы на 10 км класічным ходам сярод інвалідаў па зроку. Валянціна Шыц стала ўладальніцай срэбра на дыстанцыі 7,5 км сярод інвалідаў-калясачнікаў.

На гэтым чэмпіянаце планеты Беларусь прадстаўляюць больш за 20 спартсменаў, якія ўдзельнічаюць у спаборніцтвах па лыжных гонках і біятлоне. Усяго ў Лілехамеры выступаюць каля 800 атлетаў з усёй планеты. Гэта першы паралімпійскі Чэмпіянат свету па снежных відах – лыжных гонках, горных лыжах, біятлоне і сноўбордзе, які праходзіць у адной краіне.

Спаборніцтвы ў Лілехамеры завершацца 23 студзеня, пасля чаго група беларускіх біятланістаў і лыжнікаў адправіцца ў Шведскі Эстэрсунд, дзе адбудзецца заключны этап Кубка свету перад Паралімпіядай-2022. Зімовыя Паралімпійскія гульні пройдуць у Пекіне з 4 па 13 сакавіка.

Звязда, 16 студзеня 2022
 
Дата публикации:16.01.2022
Тематика:Новости, Спорт и Туризм
Просмотров:125
 
Ключевые слова:
Чемпионат мира Паралимпийцы Биатлон Лыжи Спорт в Беларуси
 
 


Комментарии



 



Другие новости по этой теме