28 студзеня каля хутара Арлоўшына Валожынскага раёна (Мінская вобласць) прайшлі другія зімовыя спаборніцтвы па ездавым спорце — гонкі на сабачых запрэжках "Завіруха".
Іх арганізатарамі выступілі Валожынскі райвыканкам, грамадскае аб`яднанне "Мінскі клуб паўночных ездавых сабак", загарадны клуб "Фестывальны" пры падтрымцы УП "Рыфтур" і Міністэрства спорту і турызму.
У межах спаборніцтваў стартавалі лыжнікі ў дысцыпліне "скі-джорынг" (з адной і двума сабакамі), каюры на запрэжках ад двух да шасці сабак і самая відовішчная з дысцыплін — эстафета. У гонках удзельнічалі больш за сто спартсменаў з Беларусі, Расіі, Украіны і прыбалтыйскіх краін.
БелаПАН29 студзеня 2012
