https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Возера Нарач увайшло ў топ-5 лепшых курортаў СНД


Возера Нарач увайшло ў топ-5 лепшых курортаў СНД, паведамляе сайт расійскага аналітычнага агенцтва "ТурСтат", якое склала рэйтынг курортаў СНД, папулярных для адпачынку летам 2018 года.
Самыя папулярныя курорты краін СНД на моры і на возеры — гэта курорты Казахстана, Кыргызстана, Беларусі, Азербайджана і Арменіі.

Рэйтынг прадстаўлены па выніках аналізу наведвальнасці курортаў расійскімі турыстамі.

Першае па папулярнасці месца займае курорт Бурабай (Баравое) у Казахстане, на другім месцы возера Ісык-Куль у Кыргызстане. Возера Нарач у Мядзельскім раёне Мінскай вобласці замыкае тройку лідараў. Далей ідуць пляжы Більгя горада Баку на ўзбярэжжы Каспійскага мора ў Азербайджане і возера Севан у Арменіі.

На курорты СНД расійскія турысты прыязджаюць летам на адзін-два тыдні. У суткі адпачывальнікі трацяць ад 50 да 100 долараў. Танней за ўсё адпачываць на Ісык-Кулі (50 долараў), даражэй — на курортах Баку на Каспійскім моры (100 долараў).

На курорты СНД турысты з Расіі прыязджаюць у асноўным з Масквы, Падмаскоўя, Санкт-Пецярбурга, Паўднёвага Урала і Сібіры.

Ірына Турчына, БелаПАН
Мінск, 7 чэрвеня 2018
 
Дата публикации:07.06.2018
Тематика:Бизнес, Спорт и Туризм
Просмотров:399
 
Ключевые слова:
Туризм в Беларуси Нарач Рейтинг
 
 


Комментарии



 



Другие новости по этой теме