https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Мірны выйграў тэнісны турнір у Нью-Ёрку ў парным разрадзе


Максім Мірны (39-е месца ў парным рэйтынгу АТП) і Філіп Освальд (53) выйгралі тэнісны турнір у Нью-Ёрку з прызавым фондам 748.450 долараў ЗША.
18 лютага ў вырашальным матчы "пасеяны" пад другім нумарам беларуска-аўстрыйскі дуэт за 1 гадзіну 29 хвілін перамог Уэслі Кулхафа з Галандыі (57) і Арцёма Сітака з Новай Зеландыі (59) — 6:4, 4:6, 10:6 (тай-брэйк).

На шляху да фіналу Мірны і Освальд узялі верх над індыйцамі Леандэрам Паесам (47) і Раджой Пуравам (60) — 6:3, 6:4, Бенам Маклахленам з Японіі (34) і Уга Ні з Францыі (62), а таксама над амерыканцамі Раянам Харысанам (44) і Стывам Джонсанам (49) — 4:6, 6:4, 10:7 (тай-брэйк).

Для Мірнага гэта быў 100-ты фінал за час выступлення на турнірах АТП, у тым ліку 96-ты — у парным разрадзе. Цяперашні тытул стаў 52-м у кар`еры (51-м — у парным разрадзе). У адзіночным разрадзе спартсмен не выступае амаль 10 гадоў.

Дзмітрый Уласаў, БелаПАН
Мінск, 18 лютага 2018
 
Дата публикации:18.02.2018
Тематика:Новости, Спорт и Туризм
Просмотров:505
 
Ключевые слова:
Теннис Спорт в Беларуси Максим Мирный
 
 


Комментарии



 



Другие новости по этой теме