https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Памёр старшыня праўленьня футбольнага клюбу БАТЭ Анатоль Капскі


Ва ўзросьце 52 гадоў памёр старшыня праўленьня БАТЭ Анатоль Капскі. Прычыны сьмерці пакуль невядомыя.
Яшчэ ў 20-гадовым узросьце ў Анатоля Капскага выявілі рак. Першы курс хіміятэрапіі прайшоў у 1987 годзе. У 1999 годзе здарыўся рэцыдыў. Капскаму давялося прайсьці восем курсаў хіміятэрапіі за мяжой. У студзені 2013-га ў Вільні ён перанёс найскладанейшую апэрацыю на сэрцы, пасьля якой знаходзіўся ў трохдзённай коме, паведамляе tribyna.com

Зь сярэдзіны 1995 году Капскі ўзначаліў кампанію «Сталкер», празь якую прадаваў камплектуючыя на БАТЭ. Пазьней «Сталкер» стаў адным з дылераў прадукцыі завода. У 1996-м было вырашана аднаўляць завадзкую каманду БАТЭ. Кіраўніком клюбу стаў Анатоль Капскі, а галоўным спонсарам — яго прадпрыемства «Сталкер». У 2014 годзе, паводле вэрсіі «Ежедневника», Капскі стаў самым пасьпяховым бізнэсоўцам Менскай вобласьці.

Капскі быў адным з ініцыятараў стварэньня футбольнага клюбу БАТЭ, які быў заснаваны 12 красавіка 1996 году.

У 1999-м барысаўчане ўпершыню заваявалі залатыя мэдалі чэмпіянату Беларусі. З тых часоў каманда пастаянна ўваходзіць у лік лепшых беларускіх клюбаў. На яе рахунку — чатырнаццаць чэмпіёнскіх тытулаў. Акрамя таго, адзін з самых знакамітых айчынных клюбаў за 21 год свайго існаваньня тройчы перамагаў у Кубку Беларусі і сем разоў — у Супэркубку.

Радыё Свабода, 22 верасьня 2018
 
Дата публикации:22.09.2018
Тематика:Новости, Спорт и Туризм
Просмотров:330
 
Ключевые слова:
Футбол БАТЭ Анатоль Капскі Спорт в Беларуси Некролог
 
 


Комментарии



 



Другие новости по этой теме