https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


У Міністэрства лясной гаспадаркі паступіла больш за 100 прапаноў па ўдасканаленні правіл вядзення паляўнічай гаспадаркі і палявання


Аб гэтым паведамілі ў прэс-службе ведамства.
Цяпер Мінлясгас праводзіць грамадскае абмеркаванне праекта ўказа Прэзідэнта па ўнясенні змяненняў і дапаўненняў у правілы.

"Усяго за 10 дзён у адрас нашага міністэрства паступіла больш за сотню званкоў і пісем ад паляўнічых і карыстальнікаў паляўнічых угоддзяў з прапановамі па ўдасканаленні правіл. Такі рэзананс сведчыць аб актуальнасці гэтай работы", - адзначылі ў прэс-службе.

Як паведамілі ў ведамстве, кожны зварот падрабязна вывучаецца спецыялістамі. Напрыклад, у праект указа ўжо ўнесена адна з прапаноў: дазволіць паляванне не з 18, а з 16 гадоў. Пры гэтым назіраць за паляваннем і ўдзельнічаць у якасці загоншчыка прапануецца дазволіць з 14 гадоў. Гэта, на думку тых, хто звярнуўся ў міністэрства, дапаможа папулярызаваць такі від дзейнасці і будзе садзейнічаць развіццю паляўнічай гаспадаркі.

Абмеркаванні праекта дакумента прадаўжаюцца. Міністэрства лясной гаспадаркі па-ранейшаму чакае меркаванні ўсіх зацікаўленых. З улікам вялікай колькасці паведамленняў была створана асобная электронная пошта. Свае прапановы цяпер трэба слаць на адрас ukazmlh@gmail.com.

"Хочам нагадаць, што меркаванні, не адпраўленыя непасрэдна ў Мінлясгас, а выказаныя выключна ў сацыяльных сетках і на розных форумах, не паступаюць спецыялістам ведамства, а значыць, не могуць быць прыняты пад увагу", - падкрэслілі ў прэс-службе.

Дзеючую рэдакцыю правіл прапануецца падзяліць на два дакументы: правілы палявання і правілы вядзення паляўнічай гаспадаркі. Гэта дасць магчымасць аблягчыць вывучэнне патрабаванняў заканадаўства. У новых правілах дэталізаваны многія азначэнні, напрыклад, паляванне з засады або з падыходу. Таксама ўведзены новыя паняцці: паляванне на норах, паляўнічы дзень, удзельнік палявання. У праекце дакумента таксама прадугледжаны і іншыя новаўвядзенні.

Абноўлены варыянт дакумента размешчаны на сайце Міністэрства www.mlh.by ў раздзеле "Грамадскае абмеркаванне".

22 красавіка 2020, Мінск
БЕЛТА
 
Дата публикации:22.04.2020
Тематика:Бизнес, Спорт и Туризм
Просмотров:281
 
Ключевые слова:
Лесное хозяйство Охота Рыбалка
 
 


Комментарии



 



Другие новости по этой теме