https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Каманда Прэзідэнта выйграла рэспубліканскі турнір аматараў хакея


Хакейная каманда Прэзідэнта Беларусі перамагла зборную Брэсцкай вобласці ў другім матчы фінальнай серыі XIV Рэспубліканскіх спаборніцтваў сярод аматараў на прызы Прэзідэнцкага спартыўнага клуба і стала ўладальнікам ганаровага трафея.
На лёдзе сталічнай «Алімпік-Арэны» прэзідэнцкая дружына выйграла з лікам 12:4 (0:2, 4:0, 8:2).

Госці выйшлі наперад на першай хвіліне сустрэчы. Намаганні партнёраў па камандзе завяршыў абаронца Віктар Шарытон. Гаспадары лёду прыклалі нямала намаганняў, каб адыграцца, шмат і разнастайна атакавалі. Каманда Брэсцкай вобласці адказвала небяспечнымі контрвыпадамі, і незадоўга да сігналу на перапынак Аляксандр Караткевіч падвоіў перавагу сваёй дружыны.

Пасля перапынку каманда Прэзідэнта працягнула аблогу брамы гасцей, і на 23-й хвіліне гульні скараціў розніцу ў ліку Міхаіл Грабоўскі, а праз хвіліну Мікалай Лукашэнка аднавіў раўнавагу.

На гэтым гаспадары лёду не спыніліся і працягнулі штурм варот апанентаў. Вынікам стала другая ў матчы шайба Мікалая Лукашэнкі. Берасцейцы не здаваліся, аднак прапусцілі зноў. Вызначыўся Яраслаў Чупрыс.

У заключнай трэці матчу ў каманды кіраўніка дзяржавы шайбы закінулі Арцём Каркоцкі, Канстанцін Кальцоў, Міхаіл Грабоўскі, Алег Антоненка, Павел Волчак, Арцём Антоненка.

У гасцей вызначыліся Георгій Дубіцкі і Мікалай Васюковіч.

Лепшымі гульцамі сённяшняй сустрэчы прызнаны Сяргей Плоскоў (Брэсцкая вобласць) і Міхаіл Грабоўскі (каманда Прэзідэнта).

Лепшымі гульцамі турніру ў сваіх амплуа сталі брамнік Вадзім Бойка (каманда Брэсцкай вобласці), абаронца Канстанцін Дурноў (каманда Прэзідэнта), нападаючы Аляксандр Караткевіч (каманда Брэсцкай вобласці). Лепшы бамбардзір — Яраслаў Чупрыс.

Для гледачоў, якія прыйшлі падтрымаць каманды ў вырашальнай стадыі спаборніцтваў, арганізатары падрыхтавалі забаўляльную праграму з удзелам Алены Ланской, групы «Галасы ЗМаста», Вікторыі Алешка і іншых зорак айчыннай эстрады. Працавалі пункты харчавання і гандлю, дзе жадаючыя маглі паўдзельнічаць у розных акцыях, набыць сувеніры.

У перапынках сустрэчы заўзятары ўдзельнічалі ў конкурсах. Пераможцы атрымалі каштоўныя прызы і падарункі, сярод якіх хакейнае джэрсі з аўтографам Прэзідэнта.

Першы паядынак фінальнай серыі да дзвюх перамог прайшоў 3 красавіка і завяршыўся з лікам 9:6 (2:0, 4:2, 3:4) на карысць лядовай дружыны кіраўніка дзяржавы.

На стартавым этапе спаборніцтваў каманда Прэзідэнта атрымала 6 перамог у 6 праведзеных матчах, набраўшы 12 ачкоў з 12 магчымых, і заняла 1-е месца ў турнірнай табліцы.

Нагадаем, што ў барацьбе за бронзавыя ўзнагароды хакеісты Гродзенскай вобласці перамаглі каманду Мінскай вобласці — 4:3 (0:2, 2:1, 2:0).

Хакейная каманда Прэзідэнта выйграла спаборніцтвы сярод аматарскіх каманд у 12-ы раз. Па адным тытулу — у хакеістаў Гомельскай і Мінскай абласцей.

Арганізатары XIV Рэспубліканскіх спаборніцтваў па хакеі сярод аматараў — Прэзідэнцкі спартыўны клуб, Міністэрства спорту і турызму, Федэрацыя хакея Беларусі і Мінгарвыканкам.



Звязда, 10 красавіка 2021
 
Дата публикации:10.04.2021
Тематика:Культура, Спорт и Туризм
Просмотров:191
 
Ключевые слова:
Хоккей Любители Спорт в Беларуси
 
 


Комментарии



 



Другие новости по этой теме