З 6 жніўня былая першая ракетка свету займае 95-е месца, падняўшыся на 13 радкоў у параўнанні з папярэднім рэйтынгам. На мінулым тыдні яна дайшла да чвэрцьфіналу буйнога турніру ў Сан-Хасэ (ЗША), але на гэтай стадыі знялася са спаборніцтваў з-за траўмы.

Топ-100 Азаранка пакінула 16 ліпеня гэтага года. Самую нізкую пазіцыю (110-е месца) яна займала з 23 па 29 ліпеня.

Аляксандра Сасновіч апусцілася ў рэйтынгу ВТА з 35-га на 36-е месца, Арына Сабаленка — з 36-га на 39-е. Вера Лапко перамясцілася з 69-га на 66-ты радок.

Дзмітрый Уласаў, БелаПАН
Мінск, 6 жніўня 2018