Беларуская тэнісістка Аляксандра Сасновіч (33-і нумар сусветнага рэйтынгу) не змагла выйсці ў фінал турніру ў аўстралійскім Сіднеі.
У паўфінальным паядынку беларуска ўступіла восьмай ракетцы планеты чэшцы Петры Квітавай у двух сэтах - 1:6, 2:6.
Раней Аляксандра Сасновіч перамагла расіянку Дар`ю Касаткіну (10), аўстралійку Прысцылу Хон (161) і швейцарскую тэнісістку Тымею Бачынскі (192).
У вырашальным паядынку Петра Квітава сустрэнецца з аўстралійкай Эшлі Барці (15).
На наступным тыдні Аляксандра Сасновіч у Мельбурне стартуе на першым у сезоне турніры серыі "Вялікага шлема" адкрытым чэмпіянаце Аўстраліі.
11 студзеня 2019, Мінск
БЕЛТА
