Найти
 
 


У Беларусі летам будуць працаваць 6,2 тыс. аздараўленчых дзіцячых лагераў


Аб гэтым паведаміў 14 мая начальнік галоўнага ўпраўлення выхаваўчай работы і моладзевай палітыкі Міністэрства адукацыі Эдуард Тамільчык.
Сёлета 6,2 тыс. аздараўленчых лагераў розных форм адкрыюць свае дзверы для дзяцей па ўсёй Беларусі. 

"У летні перыяд 2019 года плануецца арганізаваць работу 6,2 тыс. аздараўленчых лагераў (у 2018-м было 5885), з іх каля 1,7 тыс. - з кругласутачным знаходжаннем і 4,5 тыс. - з дзённым знаходжаннем дзяцей. Ахоп аздараўленнем плануецца на ўзроўні мінулага года - 36,1 працэнта", - сказаў Эдуард Тамільчык.

У лагерах усіх тыпаў змогуць аздаравіцца больш за 388 тыс. дзяцей, з іх 222,5 тыс. - у лагерах з дзённым знаходжаннем, 165,5 тыс. - з кругласутачным. План аздараўлення летам у бягучым годзе павялічаны амаль на 20 тыс. чалавек.

Традыцыйна ўвага будзе ўдзелена катэгорыям дзяцей, якія маюць патрэбу ў асаблівай падтрымцы: дзецям-сіротам, з інваліднасцю, дзецям, якія знаходзяцца ў сацыяльна небяспечным становішчы. Так, у розных тыпах лагераў плануецца аздаравіць каля 12 тыс. дзяцей-сірот, больш за 4 тыс. дзяцей-інвалідаў (многія з іх змогуць правесці гэты перыяд летніх канікул разам з бацькамі). Розныя формы аздараўлення і занятасці прапануюць амаль 98 працэнтам дзяцей, якія знаходзяцца ў сацыяльна небяспечным становішчы, а таксама адносна якіх праводзіцца індывідуальная прафілактычная работа.

У аздараўленчых лагерах працы і адпачынку цікава і з карысцю правядуць час 14 тыс. непаўналетніх.

Прафарыентацыю і практыка-арыентаванае навучанне моладзі ў летні сезон можна цудоўна сумяшчаць з аздараўленнем, для чаго ў Беларусі развіваюць дзейнасць профільныя лагеры для высокаматываваных дзяцей, напрыклад для юных археолагаў, тэхнікаў, эколагаў.

Асаблівая ўвага будзе ўдзяляцца рэалізацыі праграм дадатковай адукацыі дзяцей і моладзі па напрамках: мастацкі, тэхнічны, турыстычна-краязнаўчы, спартыўны і інш.

Папулярная ў дзяцей і такая форма аздараўлення старшакласнікаў, як профільныя палатачныя лагеры - не толькі абаронна-спартыўнага профілю, але і лінгвістычнага, лідарскага, валанцёрскага і іншых. "Тут апраўдаў сябе такі механізм, як "лагер у лагеры", калі палаткі размяшчаюцца на тэрыторыі стацыянарных лагераў, што дае магчымасць знізіць затраты на стварэнне інфраструктуры", - рэзюмаваў Эдуард Тамільчык.

14 мая 2019, Мінск
БЕЛТА
 
Дата публикации:14.05.2019
Тематика:Образование, Спорт и Туризм
Просмотров:33
 
Ключевые слова:
Летний отдых Оздоровление
 
 


Комментарии



 



Другие новости по этой теме