Курс валютпокупкапродажа
USD366.54368.61
EUR424.09427.46
RUR5.585.65
www.kurs.kz
 


 



Найти
 
 


У ЕАЭС вытворцаў абавязалі пазначаць наяўнасць алеяў у прадукце, які ўтрымлівае малако, з замяняльнікам малочнага тлушчу


Пра гэта паведаміла прэс-служба ЕЭК.
Калегія ЕЭК устанавіла пераходныя палажэнні па зменах у тэхрэгламент ЕАЭС "Пра бяспеку малака і малочнай прадукцыі", якія былі прынятыя саветам камісіі 10 лістапада мінулага года. Змены набудуць моц 16 ліпеня 2018 года.

Пераходныя палажэнні вызначаюць, па-першае, што да 16 студзеня 2019 года ў ЕАЭС прадпрымальнікі змогуць вырабляць малочныя тавары і гандляваць імі, калі ў іх ёсць дакументы аб ацэнцы адпаведнасці патрабаванням тэхрэгламенту, выдадзеныя да дня ўваходжання ў сілу паправак.

Па-другое, абарачэнне прадукцыі, якая выпушчаная ў перыяд дзеяння гэтых дакументаў, дапускаецца на працягу ўсяго тэрміну прыдатнасці такой прадукцыі, устаноўленага яе вытворцам.

Нагадаем, што ўнесеныя раней у тэхрэгламент саюза змены ўдакладнілі і дапоўнілі класіфікацыю прадуктаў з утрыманнем малака. Гэта неабходна ўдзельнікам малочнага рынку, у тым ліку спажыўцам, для правільнага разумення і прымянення паняццяў, якія характарызуюць асаблівасці сыравіннага складу ў назвах тавараў з утрыманнем малака, адзначыла прэс-служба.

Змены, падкрэсліваецца ў паведамленні, дазволяць спажыўцам выразна адрозніваць прадукты з дабаўленнем або без дабаўлення заменніка малочнага тлушчу, для чаго ўводзіцца шэраг паправак па маркіроўцы. Найменне прадукцыі з такімі дадаткамі павінна пачынацца са слоў "прадукт, які ўтрымлівае малако, з заменнікам малочнага тлушчу".

Вытворца абавязаны паказаць звесткі аб наяўнасці  алеяў у прадукце, які ўтрымлівае малако, з заменнікам малочнага тлушчу. Надпіс "Змяшчае алеі" ўносіцца ў інфармацыйным полі, спецыяльна выдзеленым на ўпакоўцы або этыкетцы, шрыфтам, кантрасным у адносінах да колеру поля.

Як падкрэсліваюць у прэс-службе ЕЭК, карэкціроўка маркіроўкі на ўпакоўцы прадукцыі прадугледжаная толькі для прадуктаў, якія ўтрымліваюць малако, з заменнікамі малочнага тлушчу, і толькі для іх прадугледжана інфармаванне спажыўца аб наяўнасці ў складзе прадукту алеяў.

Марына Носава, БелаПАН
Мінск, 22 сакавіка 2018
 
Дата публикации:22.03.2018
Тематика:Бизнес, ЕАЭС
Просмотров:169
 
Ключевые слова:
Молочный жир Растительное масло Техрегламент Маркировка
 
 


Комментарии



 



Другие новости по этой теме