https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


У ЕАЭС 1 студзеня набывае моц патрабаванне аб абавязковым аснашчэнні транспарту трывожнай кнопкай


Пра гэта паведаміла прэс-служба ЕЭК.
1 студзеня 2017 года ў адпаведнасці з тэхнічным рэгламентам Еўразійскага эканамічнага саюза (ЕАЭС) "Аб бяспецы колавых транспартных сродкаў" набывае моц патрабаванне аб абавязковым аснашчэнні аўтамабіляў у саюзных краінах прыладамі выкліку экстранных аператыўных службаў.

Гаворка ідзе пра машыны, якія выпускаюцца ў ЕАЭС і належаць да тыпу, ацэнка адпаведнасці якога не была праведзеная да названай даты. Патрабаванне не распаўсюджваецца на аўтамабілі, якія знаходзіліся ў эксплуатацыі да ўваходжання ў сілу новай нормы.

Пры гэтым у дачыненні да машын, што ўвозяцца фізічнымі асобамі з трэціх краін, дзейнічаюць тыя ж патрабаванні. "Грамадзянам, якія жадаюць у прыватным парадку ўвезці ў ЕАЭС пасля 1 студзеня 2017 года транспарт (як новы, так і былы ва ўжыванні), неабходна памятаць, што, напрыклад, легкавы аўтамабіль павінен мець убудаваную працаздольную сістэму выкліку экстранных аператыўных службаў", — гаворыцца ў паведамленні ЕЭК.

У выпадку аварыі усталяванае на машыне абсталяванне ў аўтаматычным рэжыме або пры націску трывожнай кнопкі інфармуе адпаведныя службы. Атрымаўшы сігнал, яны максімальна хутка накіроўваюць свае брыгады, у тым ліку медыцынскую, на месца здарэння. Выконваецца правіла так званай залатой гадзіны, калі пацярпелы мае найбольшыя шанцы на выжыванне.

Прэс-служба адзначае, што большасць тыпаў транспартных сродкаў, якія выпускаюцца ў абарачэнне ў дзяржавах ЕАЭС, прайшлі пацвярджэнне згодна з новым патрабаваннем. Так, паводле інфармацыі Мінпрамгандлю Расіі, да 20 снежня гэтага года ўсе асноўныя аўтамабільныя брэнды — ад масавага сегмента (Lada, Hyundai, KIA, Renault, Volkswagen і інш.) да прэміяльнага (BMW, Mercedes, Porsche, Bentley, Rolls Royce і інш. ), якія пастаўляюць сваю прадукцыю ў саюз, — завяршылі альбо завяршаюць аснашчэнне аўтамабіляў трывожнай сістэмай.

У Еўрасаюзе аналагічныя патрабаванні ўводзяцца толькі ў красавіку 2018 года. Але многія сусветныя брэнды ўжо ўсталявалі на вырабленыя імі аўто абсталяванне, прызначанае для працы адпаведных сістэм.

Аляксей Арэшка, БелаПАН
Мінск, 29 снежня 2016
 
Дата публикации:29.12.2016
Тематика:Транспорт, ЕАЭС
Просмотров:896
 
Ключевые слова:
Безопасность Служба спасения Тревожная кнопка Техрегламент
 
 


Комментарии



 



Другие новости по этой теме