https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Тэхналагічны цэнтр па кампазітах плануецца стварыць у Беларусі


Аб гэтым паведаміў кіраўнік прэс-службы БДТУ Андрэй Дабрахотаў па выніках праведзенага ў ВНУ навукова-тэхнічнага семінара.
Тэхналагічны цэнтр па кампазітах плануецца стварыць на базе Беларускага дзяржаўнага тэхналагічнага ўніверсітэта (БДТУ).

Адкрываючы навукова-тэхнічны семінар, міністр прамысловасці Віталь Воўк адзначыў, што прымяненне кампазітных матэрыялаў у высокатэхналагічных галінах прамысловасці ва ўсім свеце стала надзённай патрэбнасцю.

Кампазіты атрымалі шырокае прымяненне не толькі ў касмічнай, авіяцыйнай галінах, але таксама ў аўтамабільнай і трактарабудаўнічай сферах. Вядучыя еўрапейскія аўтагіганты, напрыклад, "БМВ" і "Мерседэс", цяпер ужо многія дэталі кузава, кабіны, асобныя нясучыя вузлы аўтамабіляў вырабляюць у масавым парадку з кампазіцыйных матэрыялаў. У недалёкім будучым з`явяцца і кампазіцыйныя колавыя дыскі.

Паводле даных замежных крыніц, аўтамабіль бліжэйшых дзесяцігоддзяў - гэта кабіна і абвесы з кампазітаў, шасі - з металу. Удзельнікі семінара выказалі ўпэўненасць, што настаў той вырашальны момант, калі неабходна пачынаць пераарыентацыю аўта- і трактарабудаўнічых прадпрыемстваў Беларусі на ўкараненне ў вытворчасць вырабаў з кампазіцыйных матэрыялаў. Зыходным пунктам гэтага працэсу і стане стварэнне на базе БДТУ тэхналагічнага цэнтра па кампазітах.

Яго асноўнай задачай будзе каардынацыя дзейнасці паміж прадпрыемствамі і навуковымі ўстановамі рэспублікі па распрацоўцы, укараненні ў вытворчасць і арганізацыі выпуску інавацыйнай прадукцыі з кампазіцыйных матэрыялаў на аснове эластамераў, палімераў і прадуктаў перапрацоўкі драўніны. Для рэалізацыі праекта ўніверсітэт мае ўсе неабходныя рэсурсы: падрыхтаваных супрацоўнікаў, аснашчаныя сучасныя лабараторыі, навуковыя напрацоўкі і кантакты з нямецкімі фірмамі-вытворцамі кампазіцыйных матэрыялаў.

"Асноўныя выдатныя характарыстыкі кампазіцыйных матэрыялаў у параўнанні з вырабам з металу - гэта павелічэнне трываласці і цвёрдасці ў 3-7 разоў, антыкаразійная стойкасць, змяншэнне вагі дэталі на 20-25 працэнтаў, лепшая цеплаізаляцыя і шумапаглынанне, больш нізкі сабекошт, высокая даўгавечнасць, мадэрнізацыя дызайну, добрыя эстэтычныя ўласцівасці, прастата і магчымасць выбару перапрацоўкі", - адзначылі ў прэс-службе.

Семінар быў арганізаваны Міністэрствам прамысловасці, Беларускім дзяржаўным тэхналагічным універсітэтам. У ім прынялі ўдзел у тым ліку рэктар БДТУ Ігар Войтаў, генеральны дырэктар ААТ "Гомсельмаш" Аляксандр Камко, прадстаўнікі канцэрнаў "Белнафтахім", "Беллегпрам", камерцыйных структур, супрацоўнікі ўніверсітэта.

20 верасня 2016, Мінск
БЕЛТА
 
Дата публикации:20.09.2016
Тематика:Товары из Беларуси, Образование в Беларуси
Просмотров:1302
 
Ключевые слова:
Композиты Исследования Промышленность Белорусский государственный технологический университет Семинар
 
 


Комментарии



 



Другие новости по этой теме