https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Чыноўнікі вырашылі, якія дакументы павінны запаўняць настаўнікі


Настаўнікам-прадметнікам абавязкова трэба весці толькі чатыры дакументы: класны журнал, каляндарна-тэматычнае планаванне, паўрочнае планаванне і дзённікі навучэнцаў.
Міністэрства адукацыі прыняло пастанову, якая зацвярджае спіс дакументаў, абавязковых для вядзення настаўнікамі, адпаведны дакумент апублікаваны на сайце ведамства.

Размовы аб неабходнасці дакладна размежаваць абавязкі педагогаў і пазбавіць іх ад лішняй "папяровай" працы, уключаючы зборы грошай на падпіску на выданні і іншыя, былі раней.

Нарэшце, ведамства прыняло 27 снежня пастанову "Аб устанаўленні пераліку дакументаў, абавязковых для вядзення асобнымі педагагічнымі работнікамі, і выключэнні практыкі прыцягнення педагагічных работнікаў да выканання работ, якія не адносяцца да выканання іх працоўных функцый".

Такім чынам, дакумент забараняе патрабаваць ад настаўнікаў запаўнення дакументаў, неабавязковых для іх. Не могуць цяпер раённыя аддзелы адукацыі патрабаваць сваёй "асаблівай справаздачнасці" — патрабаванні адзіныя для педагогаў па ўсёй краіне.

Згодна з дадаткам да пастановы, настаўнікі абавязаныя запаўняць толькі чатыры віды дакументаў: класны журнал, каляндарна-тэматычнае планаванне, паўрочнае планаванне і дзённікі навучэнцаў. Таксама пералічаны патрабаванні і да класных кіраўнікоў, педагогаў-арганізатараў і іншых катэгорый педагагічных работнікаў.

Дакумент быў апублікаваны на сайце ведамства, аднак асобных паведамленняў пра яго не было. Звярнулі ўвагу на пастанову рэпетытар Яўген Лівянт, а таксама пісьменнікі Яўгенія Пастэрнак і Андрэй Жвалеўскі — апошнім часам яны актыўна занятыя праблемамі беларускай сферы адукацыі.

Мінск, 4 студзеня 2018
Sputnik
 
Дата публикации:04.01.2018
Тематика:Новости, Образование в Беларуси
Просмотров:1010
 
Ключевые слова:
Документация Образование в Беларуси
 
 


Комментарии



 



Другие новости по этой теме