https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Карпенка: павышэнне заробкаў педагогам на 2019-2020 гады ўжо спланавана


Міністр адукацыі Беларусі Ігар Карпенка распавёў у тэлеэфіры, як у 2019-2020 гадах будзе паэтапна павышацца заработная плата настаўнікам і іншым работнікам педагагічнай сферы і якія меры будуць прынятыя, каб стымуляваць зацікаўленасць педагогаў у іх працы.
Міністр адукацыі Беларусі Ігар Карпенка у інтэрв`ю тэлеканалу АНТ пацвердзіў інфармацыю аб далейшым павышэнні заробкаў настаўнікам і распавёў аб запланаваных на бліжэйшыя два гады паэтапных кроках па стымуляванню працы педагогаў.

У прыватнасці, была падпісана пастанова ўрада аб павышэнні заробкаў, у сярэднім на 20%, у тым ліку і розным катэгорыям педагагічных работнікаў, што стала падарункам да сёлетняга Дня ведаў, паведаміў міністр.

"Больш за тое, магу сказаць, што намі адпрацаваны паэтапныя крокі далейшага павышэння аплаты працы педагагічных работнікаў. Гэта звязана і з прафесарска-выкладчыцкім складам. Такое даручэнне гучала ад кіраўніка дзяржавы на II З`ездзе вучоных", — паведаміў Карпенка.

Рабочая група пры Міністэрстве адукацыі на чале з рэктарам эканамічнага ўніверсітэта, прафесарам Шымавым (доктар эканамічных навук, прафесар, рэктар БДЭУ Уладзімір Мікалаевіч Шымаў — рэд.) Адпрацавала падыходы па стымуляванню навуковых работнікаў, аспірантаў, дактарантаў, паведаміў міністр.

"Акрамя гэтага, намі адпрацаваны таксама паэтапныя крокі на 2019-2020 год, як будзе павышацца стымуляванне педагагічнай працы", — сказаў Карпенка.

Яшчэ адзін важны момант у тым, што прэстыж прафесіі педагога складаецца са многіх кампанентаў, і гэта не толькі ўзровень заработнай платы. Трэба разумець, што гэта сфера, якая сацыялізуе маладога чалавека, адзначыў кіраўнік Мінадукацыі.

"Гэта сфера, якая нароўні з бацькамі выхоўвае маладое пакаленне, каб дзіця стала больш паспяховым і выйшла ў самастойнае жыццё хоць бы ў трох галоўных якасцях, пра што я не раз ужо казаў, — у якасці грамадзяніна краіны, у якасці добрага сем`яніна і ў якасці добрага прафесіянала", — рэзюмаваў Карпенка.

Sputnik, 3 верасня 2018
 
Дата публикации:03.09.2018
Тематика:Бизнес, Образование в Беларуси
Просмотров:633
 
Ключевые слова:
Педагогика Зарплата
 
 


Комментарии



 



Другие новости по этой теме