https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


У БДУ будуць рыхтаваць юрыстаў для прававога забеспячэння дзейнасці ў IT-сферы


Новая прафілізацыя «Прававое забеспячэнне інтэлектуальнай уласнасці і бізнесу ва ўмовах лічбавай эканомікі» адкрыецца ў рамках спецыяльнасці «Юрыспрудэнцыя» магістратуры БДУ.
Праграма накіравана на падрыхтоўку навуковых кадраў і высокакваліфікаваных спецыялістаў у сферы прававога суправаджэння IT-галіны і бізнесу.

Вучэбная праграма ўключае дысцыпліны па прававым забеспячэнні лічбавізацыі эканомікі, рэгуляванні сучасных інфармацыйных і высокіх тэхналогій, якія прымяняюцца ў гаспадарчай і фінансавай дзейнасці. Таксама ў магістрантаў будзе магчымасць дадаткова вывучыць прадметы па абароне персанальных дадзеных, юрыдычным суправаджэнні стартапаў, укараненню лічбавых тэхналогій у банкаўскую сферу.

Таксама былі абноўленыя і скарэктаваныя з улікам еўрапейскага навуковага і практычнага вопыту навучальныя праграмы двух прафілізацый «Пракурорскія-следчая дзейнасць» і «Прававое забеспячэнне альтэрнатыўных спосабаў урэгулявання канфліктаў і спрэчак» спецыяльнасці «Юрыспрудэнцыя». Гэта стала магчымым дзякуючы рэалізацыі сумесных праектаў з міжнароднымі партнёрамі ў рамках праграмы «ERASMUS +».

Адкрыццё новай прафілізацыі абумоўлена аператыўным рэагаваннем на патрэбы рынку працы і развіццё сфер эканомікі. Як правіла, прафілізацыя арыентавана на падрыхтоўку ў рамках адной спецыяльнасці магістратуры спецыялістаў розных кампетэнцый па арыгінальных праграмах.

Прыём дакументаў на ўсе спецыяльнасці магістратуры пройдзе ў БДУ з 27 чэрвеня па 5 ліпеня.

Надзея Нікалаева
Звязда, 19 чэрвеня 2020
 
Дата публикации:19.06.2020
Тематика:Бизнес, Образование в Беларуси
Просмотров:378
 
Ключевые слова:
Белорусский государственный университет Юриспруденция Технологии Цифровизация
 
 


Комментарии



 



Другие новости по этой теме