Сімвалічны ўваходны квіток наведвальнікі атрымаюць наўзамен за прынесеныя рэчы для дзяцей з «Дзіцячай вёскі «Вытокі». Гэта могуць быць спартыўныя і канцылярскія тавары, сродкі гігіены і прысмакі. Таксама жадаючым прапаноўваецца падтрымаць прытулак «Дома сабачай надзеі», перадаўшы жывёлам корм, нашыйнікі і сродкі ад кляшчоў. Перад пачаткам сеансу гледачы азнаёмяцца з фотавыставай валанцёраў БДУ.

Наведаць дабрачынны «Кінавечар» могуць усе ахвотныя. Для ўдзелу ў мерапрыемстве неабходна зарэгістравацца ў Google-форме.

Кінапаказ пройдзе ў «Пясочніцы» па адрасе вуліца Куйбышава, 45. Пачатак у 17.00.

Арганізатарам акцыі выступае куратарская служба ФФСН і Студэнцкі саюз БДУ.

Надзея Нікалаева
Звязда, 15 верасня 2020