https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Рэспубліканскі тыдзень дадатковай адукацыі дзяцей і моладзі праходзіць па 11 верасня ў Беларусі


Пра гэта паведамляе прэс-цэнтр Міністэрства адукацыі.
Мерапрыемства праводзіцца для знаёмства навучэнцаў і іх бацькоў з канкрэтнымі ўстановамі дадатковай адукацыі дзяцей і моладзі, іх магчымасцямі ў арганізацыі змястоўнага правядзення свабоднага ад навучання часу.

Праграма рэспубліканскага тыдня ўключае дні адкрытых дзвярэй ва ўстановах дадатковай адукацыі, канцэртныя, забаўляльна-пазнавальныя і фізкультурна-спартыўныя праграмы, у тым ліку на культурных пляцоўках па месцы жыхарства, выступленні творчых калектываў устаноў дадатковай адукацыі дзяцей і моладзі на выязных канцэртах і выстаўках, у тым ліку ва ўстановах агульнай сярэдняй адукацыі. Таксама праходзяць выстаўкі дзіцячай творчасці, іншыя мерапрыемствы, дзе дэманструюцца дасягненні навучэнцаў, педагогаў і творчых калектываў.

Цяпер у сістэме дадатковай адукацыі 270 устаноў усіх тыпаў, з іх 184 шматпрофільныя, 86 аднапрофільных, у якіх займаюцца больш за 390 тыс. навучэнцаў. З кожным годам дадатковая адукацыя становіцца ўсё больш запатрабаванай сярод дзяцей, бацькоў, педагогаў.

Вынікі Рэспубліканскага тыдня дадатковай адукацыі падвядуць 11 верасня ў Гродне - моладзевай сталіцы Беларусі. З гэтай нагоды адбудзецца спартыўна-масавае мерапрыемства.

7 верасня 2021, Мінск
БЕЛТА
 
Дата публикации:07.09.2021
Тематика:Культура, Образование в Беларуси
Просмотров:252
 
Ключевые слова:
Дополнительное образование
 
 


Комментарии



 



Другие новости по этой теме