https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Ліцэіст БДУ заваяваў бронзу на міжнароднай алімпіядзе па астраноміі і астрафізіцы


Аб гэтым паведамілі ў прэс-службе ВНУ.
Адзінаццацікласнік Ліцэя БДУ Арцемій Сыракваш заваяваў бронзавы медаль на міжнароднай алімпіядзе па астраноміі і астрафізіцы (IOAA). Інтэлектуальнае спаборніцтва праходзіла з 14 па 21 лістапада ў Багаце (Калумбія) у дыстанцыйным фармаце.

Акрамя ліцэіста БДУ Беларусь на алімпіядзе прадстаўлялі яшчэ чацвёра навучэнцаў. Таксама бронзы ўдастоіўся выпускнік Ліцэя нумар 1 Гродна Арсеній Камароў.

Алімпіяда складалася з пяці тураў: тэарэтычнага, аналізу даных, апрацоўкі сонечных даных, назірання і каманднага. Юнакі і дзяўчаты рашалі тэарэтычныя і практычныя задачы. Некаторыя з іх былі распрацаваны на аснове навуковых артыкулаў. Час выканання заданняў на розных этапах складаў ад 45 мінут да пяці гадзін. Дарэчы, назіральны тур уключаў вывучэнне Сонца. Удзельнікі з дапамогай спецыяльнай праграмы атрымлівалі выявы нябеснага цела і, выкарыстоўваючы розныя касмічныя інструменты, рабілі калажы. Таксама юнакі і дзяўчаты назіралі эвалюцыю каранальнага выкіду, які можа прывесці да моцных магнітных бур на Зямлі.

Усяго ў алімпіядзе прынялі ўдзел 240 прадстаўнікоў з 48 краін свету.

Міжнародная алімпіяда па астраноміі і астрафізіцы (IOAA) упершыню адбылася ў горадзе Чыангмай (Тайланд) у лістападзе 2007 года. З`яўляецца штогадовым спаборніцтвам сярод школьнікаў.

26 лістапада 2021, Мінск
БЕЛТА
 
Дата публикации:26.11.2021
Тематика:Новости, Образование в Беларуси
Просмотров:285
 
Ключевые слова:
Олимпиада Астрономия Астрофизика
 
 


Комментарии



 



Другие новости по этой теме