https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Рэгістрацыя на ЦТ у Беларусі пачнецца 2 мая


Аб гэтым паведаміў першы намеснік міністра адукацыі Вадзім Богуш.
"Тэрміны правядзення рэгістрацыі на ЦТ захаваны тыя ж, якія і былі, - гэта з 2 мая па 1 чэрвеня. Мы плануем, што ў цэлым тэрміны ўступнай кампаніі не будуць змяняцца", - сказаў Вадзім Богуш.

Ён дадаў, што змяненнямі ў правілы прыёму ва ўстановы вышэйшай і сярэдняй спецыяльнай адукацыі прадугледжваецца магчымасць арганізацыі да трох рэзервовых дзён ЦТ для тых, хто па ўважлівых прычынах не змог здаць тэсціраванне ў асноўныя дні. Раней быў толькі адзін рэзервовы дзень для правядзення ЦТ.

Паводле слоў першага намесніка міністра, новаўвядзенні ў правілы прыёму наўрад ці моцна паўплываюць на тэрміны правядзення ўступнай кампаніі ў цэлым.

Механізм уступнай кампаніі застаецца ранейшым. Застаецца этап, звязаны з рэгістрацыяй на ЦТ, здачай адпаведных уступных іспытаў, а таксама этап прыёму дакументаў у прыёмныя камісіі навучальных устаноў, конкурснага адбору і залічэння.

Вадзім Богуш нагадаў, што спачатку традыцыйна падводзяцца папярэднія вынікі ўступнай кампаніі ў вышэйшыя навучальныя ўстановы, затым - у сярэднія спецыяльныя і прафесійна-тэхнічныя ўстановы адукацыі.

Такім чынам, усё лета прысвечана даволі актыўнай рабоце па адборы абітурыентаў для навучання ва ўстановах адукацыі.

10 студзеня 2017, Мінск
БЕЛТА
 
Дата публикации:10.01.2017
Тематика:Новости, Образование в Беларуси
Просмотров:1247
 
Ключевые слова:
Вступительная кампания Централизованное тестирование
 
 


Комментарии



 



Другие новости по этой теме