https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


У брэсцкай школе адкрыўся першы ў вобласці мытны клас


1 верасня ў Брэсце ў сярэдняй школе № 1 адкрыўся першы ў вобласці мытны клас. Ён створаны па ініцыятыве Брэсцкай мытні і ў адпаведнасці з рашэннем Брэсцкага гарвыканкама.
Як паведамляе мытня, гэты спецыялізаваны клас у паралелі васьмікласнікаў мае адметную літару "Т". У сувязі з вялікай колькасцю ахвотных вучыцца ў такім класе туды былі адабраныя вучні з сярэднім балам больш за 7 і не ніжэй за 7 балаў па прафiлюючых вучэбных прадметах: матэматыцы і замежнай мове.

Навучацца ў мытным класе будуць 26 вучняў: 13 хлопчыкаў і 13 дзяўчынак. У іх запланавана паглыбленае вывучэнне англійскай мовы, матэматыкі, а таксама дадатковыя заняткі па польскай або іспанскай мовах. У рамках фізічнай падрыхтоўкі вучні мытнага класа будуць дадаткова асвойваць каратэ з элементамі самба.

Навучанне ў мытным класе прадугледжвае ўзаемадзеянне з Брэсцкай мытняй. У прыватнасці, у ходзе вывучэння спецкурса "Уводзіны ў прафесію мытніка" запланаваныя экскурсіі вучняў у пункты пропуску на беларуска-польскай і беларуска-ўкраінскай мяжы, наведванне прысяг, паказальных выступленняў кіналагічнай службы мытні.

Мытны клас створаны для ўмацавання сувязяў вучнёўскай моладзі з мытнымі органамі, прафесійнай арыентацыі выпускнікоў школы для паступлення ў вышэйшыя навучальныя ўстановы на спецыяльнасць "мытная справа".

Ларыса Шыганава, БелаПАН
Брэст, 1 верасня 2017
 
Дата публикации:02.09.2017
Тематика:Бизнес, Образование в Беларуси
Просмотров:1028
 
Ключевые слова:
Таможенная служба Брэст
 
 


Комментарии



 



Другие новости по этой теме