https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Кожны сёмы малады чалавек у Беларусі – студэнт


У пяцёрку найбуйнейшых ВНУ рэспублікі увайшоў Гродзенскі ўніверсітэт імя Купалы - ён адзіны сярод лідэраў размешчаны за межамі сталіцы.
Беларусь стала лідарам СНД па колькасці студэнтаў у разліку на 10 тысяч чалавек, паведаміў Нацыянальны статыстычны камітэт рэспублікі напярэдадні Міжнароднага дня студэнта.

Міжнародны Дзень студэнта штогод адзначаецца 17 лістапада. Статыстычны камітэт распавёў, як жывуць і кім плануюць быць навучэнцы беларускіх ВНУ.

Паводле інфармацыі Белстата: у рэспубліцы на 10 тысяч насельніцтва прыпадае 315 студэнтаў, ва Украіне - 314, у Арменіі - 305, у Расіі - 289. Найменшы гэты паказчык сярод краін СНД у Арменіі - там ён складае 171.

"Сярод беларускай моладзі кожны сёмы з`яўляецца студэнтам", - сказалі ў камітэце.

Там таксама адзначылі, што ў 2017-2018 навучальным годзе ў Беларусі працавала 51 ВНУ, у іх вучыліся 284 тысячы студэнтаў.

Сярод спецыяльнасцяў у студэнтаў найбольшай папулярнасцю карыстаюцца звязаныя з эканомікай, правам ці камунікацыяй, на другім месцы - архітэктура і будаўніцтва. У апошнія дзесяць гадоў маладыя людзі пры паступленні ў ВНУ ўсё часцей выбіраюць спецыяльнасці, звязаныя з медыцынай, турызмам, фізічнай культурай і мастацтвам.

Мінск, 15 лістапада 2018
Sputnik
 
Дата публикации:15.11.2018
Тематика:Культура, Образование в Беларуси
Просмотров:779
 
Ключевые слова:
Статистика СНГ Высшее образование Международный день студента
 
 


Комментарии



 



Другие новости по этой теме