https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Урокі «Чытаем па-беларуску з Vеlсоm» ахапілі 14 тысяч школьнікаў


Урокі «Чытаем па-беларуску з Vеlсоm» ахапілі больш як 14 тысяч малодшых школьнікаў у чатырох рэгіёнах Беларусі.
Галоўная задача праекта, ініцыятарам якога выступіла названая кампанія, — развіць у юных беларусаў цікавасць да роднай мовы, літаратуры і культуры. Для гэтага была распрацавана спецыяльная інтэрактыўная праграма.

Апошнім рэгіёнам, дзе ў адыходзячым годзе прайшлі незвычайныя ўрокі беларускай мовы і літаратуры, стала Гродзеншчына. Школы і гімназіі Ліды, Ваўкавыска, Смаргоні, Навагрудка і Слоніма прынялі ўдзел у адукацыйнай праграме ў лістападзе і снежні. У Гродне займальныя ўрокі сацыяльнага праекта прайшлі адразу ў дзевяці ўстановах адукацыі ў адзін дзень.

Спецыяльны ўрок, прысвечаны 125-годдзю з дня нараджэння класіка беларускай літаратуры Максіма Багдановіча, сабраў дзятву ў гродзенскім Новым замку. У ім узялі ўдзел вядомыя беларускія пісьменніцы Раіса Баравікова і Алена Масла, тэлевядучыя Юрый Жыгамонт і Аляксандр Улейчык, дырэктар Гродзенскага гісторыка-археалагічнага музея-комплексу каралеўскіх палацаў Юрый Кітурка, загадчыца Літаратурнага музея Максіма Багдановіча Алена Рапінчук, а таксама больш за сто вучняў Гродзенскай гарадской гімназіі. Дзеячы культуры разам з малодшымі школьнікамі чыталі вершы паэта і гарталі старонкі яго біяграфіі.

Увогуле за год існавання праекта вучні 110 школ Мінска, Гродзенскай, Брэсцкай і Гомельскай абласцей сустрэліся з вядомымі пісьменнікамі, паэтамі, спартсменамі і тэлевядучымі. Падобныя ўрокі заўсёды атрымліваюцца яркімі і запамінальнымі.

Праект «Чытаем па-беларуску з Vеlсоm» рэалізуецца пры падтрымцы Міністэрства адукацыі Рэспублікі Беларусь.

Аўтар: Надзея Нікалаева 
nіkаlаеvа@zvіаzdа.bу
Звязда, 22 снежня 2016
 
Дата публикации:22.12.2016
Тематика:Культура, Образование в Беларуси
Просмотров:1424
 
Ключевые слова:
«Чытаем па-беларуску з Vеlсоm» Беларуская мова
 
 


Комментарии



 



Другие новости по этой теме